ଦଇବର ବିଚିତ୍ର ବିଚାର: ଗର୍ଭରେ ବଢୁଛି ସହିଦ ଯବାନଙ୍କ ସନ୍ତାନ, ପତ୍ନୀଙ୍କ ପ୍ରଶ୍ନ କିଏ ଦବ ତାକୁ ବାପର ସ୍ନେହ?

<p>ସୁନ୍ଦରଗଡ଼, (ଓଡ଼ିଶା ରିପୋର୍ଟର):ଯେତେ ପୋଛିଲେ ବି ବନ୍ଦ ହେଉନି ଆଖିରୁ ଲୁହ। ଯେତେ ଅଟକାଇଲେ ବି ଅଟକୁନି ଛାତି ଭିତରର କୋହ। &nbsp;ପୁଅ ଯେ, ଆଉ ଦୁନିଆରେ ନାହିଁ ତାକୁ ଯେମିତି ଜମାରୁ ମାନିବାକୁ ରାଜି ନୁହଁନ୍ତି ସହିଦ ସିଆରପିଏଫ୍ ଯବାନ ପ୍ରଦୀପ ପଣ୍ଡାଙ୍କ ମା&rsquo;। ଆଉ ଆତଙ୍କବାଦୀଙ୍କ ଗୁଳିରେ ସ୍ୱାମୀ ପ୍ରାଣ ହରାଇଥିବା କଥା ସ୍ପଷ୍ଟ ହେବା ପରେ ତ&rsquo; ସତେ ଯେମିତି ଅବାକ୍ ହୋଇଯାଇଛନ୍ତି ପତ୍ନୀ ମିନତୀ। ଗର୍ଭରେ ଥିବା ସନ୍ତାନ ଜନ୍ମ ନେବା ପୂର୍ବରୁ ସ୍ୱାମୀ ଯେ, ତାଙ୍କୁ ଏମିତି ଅଧାବାଟରେ ଛାଡି ଚାଲିଯିବେ, ସେ କଥା ଭାବି ଭାବି ସେ ଭାଙ୍ଗିପଡ଼ୁଛନ୍ତି। କାନ୍ଦ ବୋବାଳିରେ ଫାଟି ପଡ଼ୁଛି ପୂରା ପରିବାର। ଅବାକ୍ ହୋଇଯାଇଛନ୍ତି ସହିଦଙ୍କ ପତ୍ନୀ। &nbsp;କ&rsquo;ଣ ହେବ ବଡ଼ ପୁଅର ଭବିଷ୍ୟତ। ଗର୍ଭରେ ଥିବା ୩ ମାସ ଛୁଆ ଦୁନିଆକୁ ଆସିଲେ କିଏ ଦେବ ବାପର ସ୍ନେହ।</p> <p>ସେଇ କଥାକୁ ବାରମ୍ବାର ଭାଳି ହେଉଛନ୍ତି ସେ। ଇଏ ହେଉଛି ସୁନ୍ଦରଗଡ଼ର ଲିପ୍ଲୋଇର ଚିତ୍ର। ସବୁ ସନ୍ଦେହ ଓ ଆଶଙ୍କାର ଅବସାନ ଘଟାଇ ସର୍ଚ୍ଚ ଅପରେସନବେଳେ ଆଜି ଉଦ୍ଧାର ହୋଇଛି ଓଡ଼ିଆ ଯବାନ ପ୍ରଦୀପ ପଣ୍ଡାଙ୍କ ମୃତଦେହ। ଆସନ୍ତାକାଲି ଜନ୍ମ ମାଟିରେ ପହଞ୍ଚିବ ବୀର ସହିଦ ପ୍ରଦୀପଙ୍କ ମରଶରୀର। ନୂଆ ବର୍ଷର ଧୁମ୍&zwnj;ରେ ସମଗ୍ର ଦେଶ ଆନନ୍ଦ ଉଲ୍ଲାସରେ ଭିଜୁଥିବା ବେଳେ ସୁନ୍ଦରଗଡ଼ର ଲିପ୍ଲୋଇରରେ ଥିଲା ଉଦାଶର କଳାବାଦଲ। ନୂଆ ବର୍ଷର କ୍ରେଜ୍&zwnj;ରେ&nbsp;କେଉଁଠି ଡିଜେ ବାଜୁଥିଲା ତ&rsquo; ଆଉ କେଉଁଠି ବାଣ ଫୁଟୁଥିଲା। ହେଲେ କାନ୍ଦ ବୋବାଳିରେ ଫାଟି ପଡ଼ୁଥିଲା &nbsp;ଲିପ୍ଲୋଇରରେ ଗାଁ । ଶୋକାକୂଳ ପରିବେଶ ଭିତରେ ସାହିପଡ଼ିଶାଙ୍କ ମୁହଁରେ ଶବ୍ଦ ନ ଥିଲା। ସ୍ତବ୍ଧ ହୋଇ ଥିଲା ସମ୍ପୂର୍ଣ୍ଣ ପରିବେଶ। &nbsp;ଏହାରି ଭିତରେ ଗ୍ରାମବସୀଙ୍କ ସେହି ସହିଦ ବୀରପୁତ୍ରର ଆଗମନକୁ ରହିଛି ଅପେକ୍ଷା।</p> <p>ସେପଟେ ଶନିବାର ଆତଙ୍କବାଦୀ ଆକ୍ରମଣ ପରେ ଜମ୍ମୁ କାଶ୍ମୀର ପୁଲଓ୍ୱାମାରେ ଶେଷ ହୋଇଛି ସୁରକ୍ଷାକର୍ମୀଙ୍କ ସର୍ଚ୍ଚ ଅପରେସନ । ତା&rsquo;ସହ ସିଆରପିଏଫ କ୍ୟାମ୍ପ ପରିସରରୁ ତୃତୀୟ ଆତଙ୍କବାଦୀର ମୃତଦେହ ମଧ୍ୟ ଉଦ୍ଧାର ହୋଇଛି। &nbsp;ପୂରା ଘଟଣାରେ ୫ଜଣ ଯବାନ ସହିଦ ହୋଇଥିବା ବେଳେ ସମସ୍ତ ୩ଜଣ ଯାକ ଆତଙ୍କବାଦୀ ନିହତ ହୋଇଛନ୍ତି। &nbsp;ଆଜି ସର୍ଚ୍ଚ ଅପରେସନ ବେଳେ ମିଳିଥିଲା ଓଡିଆ ଯବାନ ପ୍ରଦୀପ ପଣ୍ଡାଙ୍କ ମୃତଦେହ। &nbsp;ଆତଙ୍କବାଦୀଙ୍କ ଏଭଳି ବର୍ବର ଆକ୍ରମଣକୁ କଡ଼ା ଭାଷାରେ ନିନ୍ଦା କରିଛନ୍ତି କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂ । କହିଛନ୍ତି,ସହିଦଙ୍କ ବଳିଦାନ ବ୍ୟର୍ଥ ଯିବନି। ଅନ୍ୟପକ୍ଷରେ ସୁରକ୍ଷାକର୍ମୀଙ୍କ ପାଲଟା ଆକ୍ରମଣରେ ନିହତ ଜଣେ ଆତଙ୍କବାଦୀର ଏକ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଛି। &nbsp;ଆକ୍ରମଣ ପୂର୍ବରୁ ଆତଙ୍କବାଦୀ ତାଙ୍କ ଯୋଜନା ବିଷୟରେ ଏଥିରେ କହିବା ସହ ଯୁବକମାନଙ୍କୁ ଜୈସ ଏ ମହମ୍ମଦରେ ସାମିଲ୍ ହେବାକୁ ପ୍ରବର୍ତ୍ତାଇଛି । ଭିଡିଓକୁ ନେଇ ଯାଞ୍ଚ ଚଳାଇଛି ଜାମ୍ମୁ, କାଶ୍ମୀର ପୋଲିସ୍ । ଶନିବାର ବିଳମ୍ବିତ ରାତିରେ ପୁଲଓ୍ୱାମା ସିଆରପିଏଫ କ୍ୟାମ୍ପ ଉପରକୁ ଆତଙ୍କବାଦୀ ଅତର୍କିତ ଆକ୍ରମଣ କରିଥିଲେ। ଏଥିରେ ୫ ଜଣ ଭାରତୀୟ ଯବାନ ପ୍ରାଣ ହରାଇଥିବା ବେଳେ ସେଥିରେ ସମ୍ବଲପୁରର ଓଡ଼ିଆ ଯବାନ ପ୍ରଦୀପ ପଣ୍ଡା ଅଛନ୍ତି।</p>