ଗୁଗୁଲି ମାରିଲେ ସୁର: କହିଲେ, ଆମକୁ ହରେଇବାକୁ ଷଡ଼ଯନ୍ତ୍ର କରିଥିଲେ ୩ ନେତା, କଂଗ୍ରେସ ପାଇଁ ପ୍ରଚାର କରିଥିଲେ ବିଜେଡି ନେତା

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ବିଜେପୁର ଉପନିର୍ବାଚନରେ କଂଗ୍ରେସ ପ୍ରାର୍ଥୀଙ୍କୁ ହରାଇବା ପାଇଁ ହୋଇଥିଲା ଷଡ଼ଯନ୍ତ୍ର। ଏହି କାମରେ ତିନିଜଣ ନେତା ଲାଗିଥିଲେ। ସେମାନେ ନିର୍ବାଚନ ପ୍ରଚାର କରିବା ଆଳରେ ବିଜେପୁର ଯାଇ କଂଗ୍ରେସ ପ୍ରାର୍ଥୀଙ୍କୁ ହରାଇବା ପାଇଁ ଷଡ଼ଯନ୍ତ୍ର କରିଥିଲେ। ମାତ୍ର ଏହି ତିନିଜଣ ନେତା କିଏ ସେ ସମ୍ପର୍କରେ ମୁହଁ ଖୋଲି ନାହାଁନ୍ତି କଂଗ୍ରେସର ପ୍ରଖର ତୁଣ୍ଡ, ସୁର ରାଉତରାୟ।</p> <p>ସେ କହିଛନ୍ତି- &ldquo;ବିଜେପୁରରେ ଲଢ଼ିଥିବା ତିନିଜଣ ପ୍ରାର୍ଥୀଙ୍କ ମଧ୍ୟରୁ ପ୍ରଣୟ ସାହୁ ହେଉଛନ୍ତି ବେଷ୍ଟ। ସେ ତୃଣମୂଳ ସ୍ତରର କର୍ମୀ। ଚାଷୀଙ୍କ ପାଇଁ ବହୁ କାମ କରିଛନ୍ତି। କିନ୍ତୁ ତାଙ୍କୁ ହରାଇବାକୁ ଦଳ ଭିତରେ ଷଡ଼ଯନ୍ତ୍ର ହୋଇଥିଲା। ସେମାନେ ଚାହୁଁଥିଲେ କଂଗ୍ରେସ ପ୍ରାର୍ଥୀ ହାରିଗଲେ ପିସିସି ସଭାପତି ପଦରୁ ପ୍ରସାଦ ହରିଚନ୍ଦନ ବିଦା ହେବେ ଏବଂ ସେମାନେ ଶପଥ ନେବେ। ସେମାନଙ୍କ ନାଁ କହିହେବ ନାହିଁ। ସେମାନେ କିଏ ସମସ୍ତେ ଜାଣିଛନ୍ତି। ସେମାନଙ୍କ ସମ୍ପର୍କରେ କିଛି କହିବି ନାହିଁ। ସେ ଗୁଡ଼ାକ ପିମ୍ପୁଡ଼ି। ସମୟ ସୁବିଧା ଦେଖି କାମୁଡ଼ି ଦେବେ। ମ୍ଫୁ କରିଦେଲେ ଉଡି ଯିବେ।&rdquo;</p> <p>ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସମାଲୋଚନା କରି ସୁର କହିଥିଲେ-&ldquo;ନବୀନ ବାବୁ ମାଇନିଂ ବିକ୍ରି ପଇସା ରଖିଥିଲେ। ସେହି ପଇସାକୁ ବିଜେପୁରରେ ଖର୍ଚ୍ଚ କରିଛନ୍ତି। ନରେନ୍ଦ୍ର ମୋଦି କେରାଣ୍ଡି ଗୁନ୍&zwnj;ଥି ଭାକୁଢ଼ ଧରିବା ପାଇଁ ଧର୍ମେନ୍ଦ୍ର ଜରିଆରେ ନାଲିଆ ବିଡା ଟଙ୍କା ବାଣ୍ଟିଛନ୍ତି। ଭୋଟର ପିଛା ନବୀନ ୧୦,୦୦୦ ଟଙ୍କା ଓ ବିଜେପି ୧୧,୦୦୦ ଟଙ୍କା ବାଣ୍ଟିଛନ୍ତି। ଆମ ପାଖରେ ପଇସା କାହିଁ ବାଣ୍ଟିବୁ? ମାତ୍ର ୩୦ରୁ ୪୦ ଲକ୍ଷ ଟଙ୍କା ଭିତରେ ଖର୍ଚ୍ଚ କରିଛୁ। ଏହା ପରେ ମଧ୍ୟ କଂଗ୍ରେସ କମିଂ, ଡୋଣ୍ଟ ଓରି। ପ୍ରାୟ ଦେଢ଼ କିମ୍ୱା ୨୦୦୦ ଭୋଟ୍&zwnj; ବ୍ୟବଧାନରେ ଆମେ ଜିତିବୁ।&rdquo;</p> <p>ଫାଟ୍&zwnj; ନେଇ ସେ କହିଛନ୍ତି-&ldquo;ଫାଟ ସବୁ ଦଳରେ ଅଛି। କ&rsquo;ଣ ବିଜେଡିରେ ନାହିଁ? ତାଙ୍କର ପ୍ରସନ୍ନ ଆଚାର୍ଯ୍ୟ ଆମ ପାଇଁ ଭିତିରି ପ୍ରଚାର କରିଛନ୍ତି। ଯୁବ, ଛାତ୍ର ଓ ମହିଳା କଂଗ୍ରେସ ନେଇ ଆମେ ମଇଦାନକୁ ଉହ୍ଲାଇଥିଲୁ।&rdquo;</p> <p>ସୁରଙ୍କ ମନ୍ତବ୍ୟ ନେଇ ପ୍ରସନ୍ନଙ୍କ ମତାମତ ମିଳିପାରିନାହିଁ।</p>