ଭୁବନେଶ୍ୱର: ସୁରବାବା ଓରଫ୍ ସୁରେନ୍ଦ୍ର ମିଶ୍ରଙ୍କ ଝିଇଁଣ୍ଟି ସ୍ଥିତ ତ୍ରାହି ଅଚ୍ୟୁତ ଆଶ୍ରମକୁ ଭଙ୍ଗା ଯିବ। ଆଜି ବାଲିଅନ୍ତା ତହସିଲଦାର ଏହି ସୂଚନା ଦେଇଛନ୍ତି।
ସେ କହିଛନ୍ତି, ଆଶ୍ରମ ଦ୍ୱାରା ଦଖଲ କରାଯାଇଥିବା ସରକାରୀ ଜମିରୁ ଜବର ଦଖଲ ଉଚ୍ଛେଦ କରାଯିବ। ତା’ସହିତ ଏହି ଜବରଦଖଲ ଜମିରେ ହୋଇଥିବା ସମସ୍ତ ନିର୍ମାଣ କାମ ମଧ୍ୟ ଭଙ୍ଗା ଯିବ। ୫୦୦ ଡିସିମିଲ୍ ସରକାରୀ ଜାଗାକୁ ତ୍ରାହି ଅଚ୍ୟୁତ ଆଶ୍ରମ ମାଡ଼ି ବସିଛି। ଏହି ପୂରା ଇଲାକାରୁ ଜବରଦଖଲ ଉଚ୍ଛେଦ କରାଯାଇ ଏହାକୁ ସରକାରୀ ଖାତା ନିଆଯିବ।
ଅନ୍ୟପକ୍ଷରେ ଆଜି କ୍ରାଇମବ୍ରାଞ୍ଚ୍ ରିମାଣ୍ଡ ସରିବା ପରେ ସୁରବାବା ଓ ତାଙ୍କ ସାନ ପୁଅଙ୍କୁ ଭୁବନେଶ୍ୱରସ୍ଥିତ ଝାରପଡ଼ା ଜେଲକୁ ପଠାଇ ଦିଆଯାଇଛି। ତେବେ ତାଙ୍କ ବଡ଼ ପୁଅ ତ୍ରିଲୋଚନ ମିଶ୍ରଙ୍କୁ ପୁଣି ତିନି ଦିନିଆ ରିମାଣ୍ଡରେ ନେଇଛି କ୍ରାଇମବ୍ରାଞ୍ଚ୍।
ଏହା ସହିତ ମୁମ୍ବାଇ ସମେତ ସୁର ବାବାଙ୍କ ଝିଇଁଟି ସ୍ଥିତ ଆଶ୍ରମରେ କ୍ରାଇମବ୍ରାଞ୍ଚର ତଦନ୍ତ ଜାରି ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
