ମୁହଁ ଖୋଲିଲା ଟାଟା, କହିଲା ଆକାଶ ମିଛ କହୁଛନ୍ତି

ଭୁବନେଶ୍ୱର(ଓଡ଼ିଶା ରିପୋର୍ଟର): ଆଇଏଫଏସ ଅଭୟକାନ୍ତ ପାଠକ  ଏବଂ ପୁଅ ଆକାଶଙ୍କ ଆଜି ଭିଜିଲାନ୍ସର ୩ଦିନିଆ ରିମାଣ୍ଡ ସରିବା ପରେ ଉଭୟଙ୍କୁ ଭୁବନେଶ୍ୱର ଭିଜିଲାନ୍ସ କୋର୍ଟରେ କଡ଼ା ସୁରକ୍ଷା ମଧ୍ୟରେ ହାଜର କରାଯାଇଥିଲା । ତେବେ ରିମାଣ୍ଡର ଆବଶ୍ୟକତା ନଥିବାରୁ ଉଭୟଙ୍କୁ ବିଚାର ବିଭାଗୀୟ ହାଜତକୁ ପଠାଇଦିଆଯାଇଥିଲା । ଗତ ୩ ଦିନ ଭିତରେ ପାଠକ ବାପପୁଅଙ୍କ ଠାରୁ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ସହ ଯଥେଷ୍ଟ ପ୍ରମାଣ ପାଇଥିବା ଦାବି କରିଛି ଭିଜିଲାନ୍ସ ।

ନଭେମ୍ବରରେ ଆକାଶଙ୍କ ଆକାଉଣ୍ଟକୁ ଆସିଥିବା ୮୫ ଲକ୍ଷକୁ ଉଭୟ ବାପ, ପୁଅ ଭୁବନେଶ୍ୱରରେ ବ୍ୟାଙ୍କକୁ ଯାଇ ଡିପୋଜିଟ୍ କରିଥିଲେ । ସେହିପରି ଝିଅର ବିବାହ ଏବଂ ପଠାପଢ଼ା ବାବଦକୁ ଦେଢ଼ କୋଟି ଖର୍ଚ୍ଚ ହୋଇଛି । ପୁଅ ଆକାଶଙ୍କ ପାଠପଢ଼ା ପାଇଁ ୨୦ ଲକ୍ଷ ଖର୍ଚ୍ଚ ହୋଇଥିବାବେଳେ ବିବାହ ପାଇଁ ବଜେଟ୍ ଥିଲା ୧୦ କୋଟି ଟଙ୍କା ।

ଆକାଶଙ୍କ ୩ଟି ଆକାଉଣ୍ଟ ସମ୍ପର୍କରେ ଯାଞ୍ଚବେଳେ ୧୭ କୋଟି ୫୨ ଲକ୍ଷ ଟଙ୍କା କାରବାର ହୋଇଥିବା ଭିଜିଲାନ୍ସ କହିଛି । ସେପଟେ ପୁଲିସ କହିଛି ଯେ, ଟାଟାର ସ୍ପଷ୍ଟୀକରଣ ଅନୁଯାୟୀ, ଆକାଶ କେବେ ବି ଟାଟା ମୋଟର୍ସର କର୍ମଚାରୀ ନଥିଲେ । ଏପରିକି ସ୍କାଏକିଂ ଟାଟାର ଆପ୍ରୁଭ୍ ଭେଣ୍ଡର ନୁହେଁ କିମ୍ବା ସ୍କାଏ କିଂର ଭାଉଚର ଉପରେ ଜିଏସଟି ଖର୍ଚ୍ଚ ଦାବି କରାଯାଇନି । ତେବେ ଅଭୟକାନ୍ତ ଓ ଆକାଶ ଏହା ଷଡଯନ୍ତ୍ର ବୋଲି କହିବା ସହ ଟାଟାରେ ଚାକିରୀ କରୁଥିବା କହିଛନ୍ତି । ଏମିତିକି ଆକାଶ ପାଠକ ତାଙ୍କ ସଂସ୍ଥାରେ ଚାକିରି କରୁନଥିଲେ ବୋଲି ଟାଟା ସ୍ପଷ୍ଟ କରିଛି। ଏନେଇ ନେଇ କମିଶନରେଟ ପୋଲିସ ସୂଚନା ଦେଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।