ଛାତ୍ରୀଙ୍କୁ ଅଫିସ୍‌ ରୁମ୍‌କୁ ଡାକି…

ଧର୍ମଗଡ଼(ଓଡ଼ିଶା ରିପୋର୍ଟର): କଳାହାଣ୍ଡି ଜିଲ୍ଲା ଜୁନାଗଡ଼ ଥାନା ଅଞ୍ଚଳରେ ଜଣେ ପଞ୍ଚମ ଶ୍ରେଣୀ ଛାତ୍ରୀଙ୍କୁ ଜଣେ ଶିକ୍ଷକ ଅଶ୍ଳୀଳ ଆଚରଣ କରିଥିବା ଅଭିଯୋଗ ହୋଇଛି।

ଏନେଇ ଛାତ୍ରୀଙ୍କ ପରିବାର ପକ୍ଷରୁ ଜୁନାଗଡ଼ ଥାନାରେ ଶିକ୍ଷକଙ୍କ ନାଁରେ ଲିଖିତ ଅଭିଯୋଗ କରାଯାଇଛି। ପୁଲିସ୍‌ ଅଭିଯୁକ୍ତ ଶିକ୍ଷକଙ୍କୁ ଅଟକ ରଖିଛି। ତାଙ୍କ ନାଁ ସଞ୍ଜୀବ ପଣ୍ଡା।

ଗତକାଲି ସଞ୍ଜୀବ ଜଣେ ଛାତ୍ରୀଙ୍କୁ ଅଫିସ୍ କୋଠରୀକୁ ଡାକି ଅଶ୍ଲୀଳ ଆଚରଣ କରିଥିଲେ। ତେବେ ଛାତ୍ରୀ ଜଣଙ୍କ ପ୍ରତିବାଦ କରିଥିଲେ।

ଖାଇବା ଛୁଟିରେ ଘରକୁ ଯାଇ ଛାତ୍ରୀ ଜଣଙ୍କ ନିଜ ପରିବାର ଲୋକଙ୍କ ନିକଟରେ ସବୁକଥା କହିଥିଲେ।

ଏହା ପରେ ସନ୍ଧ୍ୟାରେ ପରିବାର ଲୋକ ଏନେଇ ଜୁନାଗଡ଼ ଥାନାରେ ଲିଖିତ ଅଭିଯୋଗ କରିଥିଲେ।