ଶିକ୍ଷକ ଓ ଅଧ୍ୟାପକଙ୍କ ରଣହୁଙ୍କାର: ପୁରୀରୁ ଚାଲି ଚାଲି ଆସୁଛନ୍ତି ଭୁବନେଶ୍ୱର

<p>ଭୁବନେଶ୍ୱର: ଆଜି ଭୁବନେଶ୍ୱରରେ ଗର୍ଜିବେ ଶିକ୍ଷକ, ଅଧ୍ୟାପକ ଓ କର୍ମଚାରୀ। ଏଥିପାଇଁ କାଲି ପୁରୀରୁ ବାହାରିଛି ଏକ ବିଶାଳ ପଦଯାତ୍ରା। ପୁରୀ ଶ୍ରୀଗୁଣ୍ଡିଚା ମନ୍ଦିର ନିକଟରୁ ଭୁବନେଶ୍ୱର ଅଭିମୁଖେ ବାହାରିଥିବା ଏହି ପଦଯାତ୍ରାରେ ହଜାର ହଜାର ଶିକ୍ଷକ ଓ ଶିକ୍ଷୟିତ୍ରୀ ସାମିଲ ହୋଇଛନ୍ତି। ଚାଲି ଚାଲି ଦୀର୍ଘପଥ ଅତିକ୍ରାନ୍ତ କରି ରାତିରେ ପିପିଲିରେ ରାତିଯାପନ କରିଥିଲେ।</p> <p>ଆଜି ପିପିଲିରୁ ବାହାରି ଭୁବନେଶ୍ୱରେ ପହଞ୍ଚି ଓଡ଼ିଶା ସ୍କୁଲ କଲେଜ ଶିକ୍ଷକ କର୍ମଚାରୀ ମିଳିତ ମଞ୍ଚ ପକ୍ଷରୁ ହେବାକୁ ଥିବା ସମାବେଶରେ ଯୋଗଦେବେ। ଅନୁଦାନ ପାଇଁ ବାଧ୍ୟତାମୂଳକ ସତ୍ୟପାଠ ଦାଖଲ ପ୍ରତିବାଦରେ ଏହି ବିଶାଳ ପଦଯାତ୍ରା କରାଯାଉଛି।&nbsp; କୌଣସି ପରିସ୍ଥିତିରେ ବି ସରକାରଙ୍କ ଏଭଳି ନିର୍ଦ୍ଦେଶାନାମାକୁ ଗ୍ରହଣ କରାଯିବ ନାହିଁ ବୋଲି ଶିକ୍ଷକ କର୍ମଚାରୀ ମିଳିତ ମଞ୍ଚ ରୋକଠୋକ୍ ଶୁଣାଇଛି।</p>