ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଓଡ଼ିଶା ବନ ଉନ୍ନୟନ ନିଗମର ଆସିଷ୍ଟାଣ୍ଟ ମ୍ୟାନେଜର ଓ ଜୁନିୟର୍‌ ମ୍ୟାନେଜର ପଦବୀ ପୂରଣ ପାଇଁ ଆଜି ଆୟୋଜିତ ପରୀକ୍ଷାରେ ଅନିୟମିତତା ଅଭିଯୋଗ ହୋଇଛି। ଭୁବନେଶ୍ୱର ୟୁନିଟ-୧ ସ୍ଥିତ ଏକ ପବ୍ଲିକ୍ ସ୍କୁଲରେ ଏହି ପରୀକ୍ଷା ହେଉଥିବାବେଳେ ପରୀକ୍ଷାକେନ୍ଦ୍ରରେ ବ୍ୟାପକ ଅନିୟମିତତା ଯୋଗୁ ପରୀକ୍ଷାକୁ ବାତିଲ କରାଯାଇଛି। ଏହାକୁ ନେଇ ପରୀକ୍ଷା କେନ୍ଦ୍ରରେ ଉତ୍ତେଜନା ପ୍ରକାଶ ପାଇଥିଲା।</p> <p>ପରୀକ୍ଷା ଦେବା ପାଇଁ ଆଜି ପୂର୍ବ ସୂଚନା ମୁତାବକ ପରୀକ୍ଷାର୍ଥୀମାନେ ଭୁବନେଶ୍ୱର ୟୁନିଟ୍-୧ ସ୍ଥିତ ଏକ ନିର୍ଦ୍ଦିଷ୍ଟ ପବ୍ଲିକ୍ ସ୍କୁଲରେ ପହଞ୍ଚିଥିଲେ। ହେଲେ ଶେଷ ମୁହୂର୍ତ୍ତରେ ପରୀକ୍ଷା ବାତିଲ କରାଯାଇଥିବାରୁ ଛାତ୍ରଛାତ୍ରୀଙ୍କ ମଧ୍ୟରେ ଅସନ୍ତୋଷ ଦେଖା ଦେଇଥିଲା। ଏଥିସହ ପରୀକ୍ଷା ପରିଚାଳନାରେ ରାଜ୍ୟ ସରକାରଙ୍କ ଅବ୍ୟବସ୍ଥାକୁ ଦାୟୀ କରିଛନ୍ତି ଛାତ୍ରଛାତ୍ରୀ।</p> <p>୧୪ ଆସିଷ୍ଟାଣ୍ଟ ମ୍ୟାନେଜର ଓ ୩୧ ଜୁନିୟର ମ୍ୟାନେଜର ପୋଷ୍ଟ ଲାଗି ଗତ ଜୁନ ୩୦ ତାରିଖରେ ନୋଟିଫିକେସନ ପ୍ରକାଶ ପାଇଥିଲା। ଯେଉଁଥିରେ ଉଲ୍ଲେଖ ରହିଥିଲା ଯେ ୨୦୧୮ ଅକ୍ଟୋବର ୨୮ ତାରିଖରେ ପରୀକ୍ଷା କରାଯିବ। ଏହାପରେ ଛାତ୍ରଛାତ୍ରୀଙ୍କୁ ଅନ୍‌ଲାଇନ୍‌ରେ ଆଡମିଟ୍ କାର୍ଡ ମଧ୍ୟ ପ୍ରଦାନ କରାଯାଇଥିଲା। ତେବେ ସେଥିରେ ପରୀକ୍ଷାର୍ଥୀଙ୍କ କୌଣସି ତଥ୍ୟ ନଥିବା ଦେଖିବାକୁ ମିଳିଥିଲା। ଏପରିକି ଆଡମିଟ୍‌ କାର୍ଡରେ ବନ ବିଭାଗ ପକ୍ଷରୁ କରାଯାଉଥିବା ପରୀକ୍ଷା ନେଇ କୌଣସି ସୂଚନା ମଧ୍ୟ ଦିଆଯାଇନଥିବା ଦେଖିବାକୁ ମିଳିଥିଲା। ଯାହାକୁ ନେଇ ପରୀକ୍ଷାର୍ଥୀଙ୍କ ମଧ୍ୟରେ ଅସନ୍ତୋଷ ଦେଖାଦେବା ସହ ପୁନଃ ପରୀକ୍ଷା ପାଇଁ ଦାବି ଉଠିଥିଲା। ସେପଟେ ପରୀକ୍ଷା ପରିଚାଳନାରେ ଅବ୍ୟବସ୍ଥା କାରଣରୁ ପରୀକ୍ଷା ବାତିଲ କରାଯାଇଥିବା ପରୀକ୍ଷା କେନ୍ଦ୍ର ପର୍ଯ୍ୟବେକ୍ଷକ ହେମନ୍ତ କୁମାର ପଟ୍ଟନାୟକ କହିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
