କଥା କଟାକଟିରୁ ମୁହାଁମୁହିଁଁ ହେଲେ ଦୁଇ ଛାତ୍ର ଗୋଷ୍ଠୀ

ଢ଼େଙ୍କାନାଳ(ଓଡ଼ିଶା ରିପୋର୍ଟର): ଢ଼େଙ୍କାନାଳ ଜିଲ୍ଲା ପରଜଙ୍ଗ ସରାଙ୍ଗସ୍ଥିତ IGIT କଲେଜ କ୍ୟାମ୍ପସରେ ଦୁଇ ଛାତ୍ରଗୋଷ୍ଠୀ ମଧ୍ୟରେ ଗଣ୍ଡଗୋଳ ଉଗ୍ର ରୂପ ଧାରଣ କରିଛି। ତୃତୀୟ ଓ ଶେଷ ବର୍ଷ ଛାତ୍ରଙ୍କ ମଧ୍ୟରେ ସଂଘର୍ଷ ହୋଇଥିବାରୁ କ୍ୟାମ୍ପସରେ ବ୍ୟାପକ ପୋଲିସ ମୁତୟନ ହୋଇଛି  ।

ଏନେଇ ଅବଗତ ହେବା ପରେ କଲେଜ ନିର୍ଦ୍ଦେଶକ କଡା ପଦକ୍ଷେପ ଗ୍ରହଣ କରି ବ୍ରହ୍ମୋସ ଓ ସୂର୍ଯ୍ୟ ଭବନର ଛାତ୍ରଙ୍କୁ କଲେଜ ଛାଡିବାକୁ ନିର୍ଦ୍ଦେଶକ ନୋଟିସ ଜାରି କରିଛନ୍ତି । ସୁରକ୍ଷାକୁ ଆଖି ଆଗରେ ରଖି କ୍ୟାମ୍ପସ୍‌ରେ ବ୍ୟାପକ ପୋଲିସ ମୁତୟନ ହୋଇଛି ।

ସୂଚନାଯୋଗ୍ୟ, ଗତ  ରାତିରେ କଲେଜର ବିଟେକ ତୃତୀୟ ଓ ଶେଷ ବର୍ଷ ପିଲାଙ୍କ ମଧ୍ୟରେ ପ୍ରଥମେ କଥା କଟାକଟି ହୋଇଥିଲା । ପରେ ଏହା ଉଗ୍ର ରୂପ ଧାରଣ କରିବା ସହ ଉଭୟ ପକ୍ଷ ମଧ୍ୟରେ ଘମାଘୋଟ ଲଢେଇ ହୋଇଥିଲା ।

 

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।