ବଣାଇ (ରଞ୍ଜିତ ଚୌଧୁରୀ): ମିଠା ତିଆରି କରିବାକୁ ଯାଇଥିଲେ। ହେଲେ ପରିତ୍ୟକ୍ତ କୂଅରୁ ମିଳିଳା ମିଠା କାରିଗରଙ୍କ ମୃତଦେହ। ତାଙ୍କୁ ହତ୍ୟା କରି କୂଅରେ ଫିଙ୍ଗି ଦିଆଯାଇଥିବା ଅଭିଯୋଗ ହୋଇଛି। ଆଜି ଏପରି ଘଟଣା ସୁନ୍ଦରଗଡ଼ ଜିଲ୍ଲାରେ ଘଟିଛି। ଏନେଇ ଅଭିଯୋଗ ହେବା ପରେ ପୁଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।
ସୁନ୍ଦରଗଡ଼ ଜିଲ୍ଲା ବଣାଇ ଥାନା କେନାଭେଟା ଗାଁର ଗୋରାଚାନ୍ଦ ବେହେରା। ଗତକାଲି ରାତିରେ ସେ ମିଠା ତିଆରି କରିବାକୁ ଟିକାୟତପଲ୍ଲୀ ଥାନା କରେଇପୁଟ ଗାଁର ନନ୍ଦ କିଶୋର ସାହୁଙ୍କ ଘରକୁ ଯାଇଥିଲେ। ଏପରିକି ତାଙ୍କ ଘରେ ଗୋବିନ୍ଦ ମିଠା ତିଆରି କରିଥିଲେ।
ତେବେ ଆଜି ସକଳେ ଏକ ପରିତ୍ୟକ୍ତ କୂଅରେ ତାଙ୍କର ମୃତଦେହ ଭାସୁଥିବା ଦେଖିବାକୁ ମିଳିଥିଲା। ଗାଁ ଲୋକେ ଏନେଇ ଥାନାକୁ ଖବର ଦେଇଥିଲେ। ପୁଲିସ ଓ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି କୂଅରୁ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ଦେଇଛି। ଏହି ଏକ ହତ୍ୟାକାଣ୍ଡ ବୋଲି ସନ୍ଦେହ କରାଯାଉଛି। ଶ୍ରୀ ବେହେରାଙ୍କୁ ହତ୍ୟା କରାଯାଇ କୂଅରେ ଫିଙ୍ଗି ଦିଆଯାଇଥିବା ମୃତକଙ୍କ ଭାଇ ଅଭିଯୋଗ କରିଛନ୍ତି।