ମାଲକାନଗିରି(ଓଡ଼ିଶା ରିପୋର୍ଟର): ମାଲକାନଗିରି ଏସ୍ପିଙ୍କ ନିକଟରେ ଆତ୍ମସମର୍ପଣ କଲେ ଜଣେ କ୍ୟାଡର ନକ୍ସଲ ଓ ୭ ଜଣ ମିଲିସିଆ। ସମସ୍ତେ ସ୍ୱାଭିମାନ ଅଞ୍ଚଳର। ଆତ୍ମସମର୍ପଣ କରିଥିବା କ୍ୟାଡର ନକ୍ସଲ ହେଉଛନ୍ତି ସମ୍ୱା ଖରା। ସେ ମିଲିଟ୍ରି ପ୍ଲାଟୁନ୍ର ସଦସ୍ୟ ଭାବେ ସ୍ୱାଭିମାନ ଅଞ୍ଚଳରେ କାର୍ଯ୍ୟ କରି ଆସୁଥିଲେ। ତା ନାଁରେ ୨ ଲକ୍ଷ ଟଙ୍କାର ପୁରସ୍କାର ରାଶି ଥିଲା।
ସମ୍ୱା ୨୦୧୭ ମସିହାରେ ନକ୍ସଲ ସଂଗଠନରେ ସାମିଲ ହୋଇଥିଲେ। ସେ ୯ରୁ ଅଧିକ ହିଂସା ଘଟଣାରେ ଜଡ଼ିତ ଥିଲା। ଆନ୍ଧ୍ରର ବିଧାୟକ କେ.ଏସ. ରାଓ ଓ ପୂର୍ବତନ ବିଧାୟକ ଶିବେରି ସୋମାକୁ ହତ୍ୟା, ବିଭିନ୍ନ ବିସ୍ଫୋରଣ ଓ ସାଧାରଣ ଲୋକଙ୍କୁ ହତ୍ୟା ପରି ଘଟଣାରେ ଜଡ଼ିତ ଥିବା ଜଣାପଡ଼ିଛି।
ସେହିପରି ଆତ୍ମସମର୍ପଣ କରିଥିବା ୭ ମିଲିସିଆ ନକ୍ସଲଙ୍କୁ ଖାଦ୍ୟ ଯୋଗାଇବା, ପୋଷ୍ଟର ଓ ବ୍ୟାନର ମାରିବା, ପ୍ରଜାକୋର୍ଟରେ ଗ୍ରାମବାସୀଙ୍କୁ ଡାକିବା ଭଳି କାର୍ଯ୍ୟ କରୁଥିଲେ। ତେବେ ‘କରୋନା’ ପାଇଁ ସତର୍କତାମୂଳକ ପଦକ୍ଷେପ ସ୍ୱରୂପ ସମସ୍ତ ନକ୍ସଲ ମୁହଁରେ ମାସ୍କ ପିନ୍ଧି ଆତ୍ମସମର୍ପଣ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।