ଭୁବନେଶ୍ୱର(ଓଡ଼ିଶା ରିପୋର୍ଟର): ବାଲେଶ୍ୱର ଜିଲ୍ଲା ଶେରଗଡ଼-ନୀଳଗିରି-ଝରଣାଘାଟି ଜାତୀୟ ରାଜପଥକୁ ୪ ଲେନ ବିଶିଷ୍ଟ କରିବା ପାଇଁ କେନ୍ଦ୍ର ୧୨୫କୋଟି ଟଙ୍କା ମଞ୍ଜୁର କରିଛନ୍ତି। କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରୀ ନୀତିନ ଗଡ଼କରୀ ଏନେଇ ଚିଠି ଲେଖି କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀଙ୍କୁ ସୂଚନା ଦେଇଛନ୍ତି।
ଶ୍ରୀ ଗଡ଼କରୀ କହିଛନ୍ତି ଯେ, ଏହି ୧୨୫ କୋଟି ଟଙ୍କାରେ ଦୁଇଥାକିଆ ରାସ୍ତାକୁ ୪ ଲେନ୍ ବିଶିଷ୍ଟ କରିବା ନିମନ୍ତେ ମଞ୍ଜୁର କରାଯାଉଛି। ସିଆରଆଇଏଫରୁ ଏହି ଅର୍ଥ ଦିଆଯାଇଛି। ଏହି ଅର୍ଥ ବ୍ୟତୀତ ଜାତୀୟ ରାଜପଥ-୧୮ରେ ଅଗିରା ନିକଟରେ ଓଭରବ୍ରିଜ୍ ନିର୍ମାଣ, ଶେରଗଡ଼-ଖଣ୍ଟାପଡ଼ା ମଧ୍ୟରେ ଗୌଡ଼ୁଣୀପୋଖରୀ ନିକଟରେ ଅଣ୍ଡରପାସ୍ ନିର୍ମାଣ ଏବଂ ଜାତୀୟ ରାଜପଥ-୧୬ (ଭଦ୍ରକ-ବାଲେଶ୍ୱର ସେକ୍ସନ), ଜାତୀୟ ରାଜପଥ-୧୮ (ବାଲେଶ୍ୱର-ବାରିପଦା-ଝାରପୋଖରିଆ ସେକ୍ସନ) ଏନଏଚ-୬୦ (ବାଲେଶ୍ୱର-ଖଡ଼ଗପୁର ସେକ୍ସନ) ପାଇଁ ପୂର୍ବରୁ ଟଙ୍କା ମଞ୍ଜୁର ସରିଛି ବୋଲି ଶ୍ରୀ ଗଡ଼କରୀ କହିଛନ୍ତି।
ଏହି ଅର୍ଥ ମଞ୍ଜୁର କରିବାପରେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ ଆଜି କେନ୍ଦ୍ର ମନ୍ତ୍ରୀ ଗଡ଼କରୀଙ୍କୁ କୃତଜ୍ଞତା ଜଣାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
