ଜଣେ ସାଧାରଣ ଶିକ୍ଷକରୁ ରାଜ୍ୟସଭା ପର୍ଯ୍ୟନ୍ତ ଯାତ୍ରା ପଛରେ କ’ଣ ରହିଛି କାରଣ ?

<p>ଭୁବନେଶ୍ୱର(ଓଡିଶା ରିପୋର୍ଟର): ଅଚ୍ୟୁତ କେତେ ସ୍ୱଚ୍ଛ, ଏହାକୁ ନେଇ ଏବେ ଉଠିଛି ବଡ଼ ପ୍ରଶ୍ନ । ଜଣେ ସାଧାରଣ ଶିକ୍ଷକରୁ କିସ୍ ଓ କିଟ୍ ଭଳି ସାମ୍ରାଜ୍ୟ ଛିଡ଼ା କରିବା ସହ କେମିତି ହାତେଇଲେ ରାଜ୍ୟସଭା ସାଂସଦ ପଦ, ତାହା ବି ଆଲୋଚନାର ବିଷୟ। ଶହ ଶହ ଏକର ଜଙ୍ଗଲ ଜମି ସାଙ୍ଗକୁ ସାଧାରଣ ଲୋକଙ୍କ ମୂଲ୍ୟବାନ ଜମିକୁ ମାଡ଼ି ବସିଥିବା ଏଭଳି ଜଣେ ଲୋକକୁ ମୁଖ୍ୟମନ୍ତ୍ରୀ ରାଜ୍ୟସଭାକୁ ପଠେଇଲେ କିପରି ବୋଲି ଏବେ ପ୍ରଶ୍ନ।</p><p>ଗତ ରାଜ୍ୟସଭା ନିର୍ବାଚନବେଳେ ସମସ୍ତେ ଆଶା କରିଥିଲେ ନିର୍ମଳ ଭାବମୂର୍ତ୍ତି ସମ୍ପନ୍ନ ଜଣେ ସଚ୍ଚୋଟ ଓ ସାଧୁ ବ୍ୟକ୍ତିଙ୍କୁ ମୁଖ୍ୟମନ୍ତ୍ରୀ ରାଜ୍ୟସଭାକୁ ପଠାଇବେ । ତାସହ ପ୍ରାର୍ଥିପତ୍ର ଦାଖଲ ପୂର୍ବଦିନ ମଧ୍ୟ ମୁଖ୍ୟମନ୍ତ୍ରୀ ଘୋଷଣା କରିଥିଲେ କି ଏଥର କୌଣସି ଅଣରାଜନୈତିକ ବ୍ୟକ୍ତିଙ୍କୁ ରାଜ୍ୟସଭାକୁ ପଠାଯିବ ନାହିଁ । ମୁଖ୍ୟମନ୍ତ୍ରୀ ଯାହା କୁହନ୍ତି ତାହା କରନ୍ତି ବୋଲି ବିଶ୍ୱାସ ରହିଛି । ହେଲେ ଏଥର ଓଲଟା ହୋଇଗଲା। କାରଣ ସମସ୍ତଙ୍କୁ ଚକିତ କରି ହଠାତ୍&nbsp; କିଟ୍ ଓ କିସ୍&zwnj;ର ପ୍ରତିଷ୍ଠାତା ଅଚ୍ୟୁତ ସାମନ୍ତଙ୍କ ନାଁରେ ମୋହର ମାରିଲେ ନବୀନ । ଯାହାଙ୍କ ନାଁରେ ରହିଛି ଅଭିଯୋଗର ଲମ୍ବା ଫର୍ଦ୍ଦ । ଏହି ଅଭିଯୋଗଗୁଡ଼ିକ ବିରେରାଧରେ କାର୍ଯ୍ୟାନୁଷ୍ଠାନ କଣ ନେବେ, ତାଙ୍କୁ ରାଜ୍ୟସଭା ପଠାଇ ସତେ ଯେମିତି ପୁରସ୍କୃତ କରିଛନ୍ତି ନବୀନ ବାବୁ । କେଉଁ ସ୍ୱାର୍ଥରେ ତାଙ୍କୁ ବିଜେଡି ରାଜ୍ୟ ସଭାକୁ ପଠାଇଛି ତାକୁ ନେଇ ଏବେ ସାଧାରଣରେ&nbsp; ଅନେକ ଚର୍ଚ୍ଚା ଓ ଆଲୋଚନା।</p><p>କୁହାଯାଉଛି, ସବୁ କଳା କାରନାମାରୁ ନିଜକୁ ବଞ୍ଚାଇବାକୁ ଯେମିତି ରାଜ୍ୟସଭା ସାଂସଦ ପଦ ହାତେଇବାକୁ ବ୍ୟଗ୍ର ଥିଲେ ଅଚ୍ୟୁତ । ଶିକ୍ଷାକ୍ଷେତ୍ରରେ ବହୁ ନାଁ ଅର୍ଜନ କରିଛନ୍ତି ବୋଲି ନିଜେ ଦାବି କରୁଥିବା ଏ ସାଂସଦ ହଠାତ୍ କାହିଁକି ରାଜନୀତି ପ୍ରତି ମନ ବଳାଇଲେ ତାହାସବୁଠୁ ବଡ଼ ଆଶ୍ଚର୍ଯ୍ୟ। &nbsp;ନିଜର କଳା କାରନାମକୁ ଘୋଡ଼ାଇବା ପାଇଁ ରାଜନୀତିରେ ପ୍ରବେଶ ନିହାତି ଜରୁରୀ ହୋଇ ପଡ଼ିଥିଲା କି ? ପୁଣି&nbsp; ପ୍ରତିଦିନ ନୂଆ ନୂଆ ଅଭିଯୋଗ ବି ଆସୁଛି ଏହି ବ୍ୟକ୍ତିଙ୍କ ବିରୋଧରେ । ହେଲେ ଅର୍ଥବଳ ଓ ବାହୁ ବଳ ପରେ ଏବେ କ୍ଷମତା ବଳରେ ଯେମିତି ସେ ସବୁ ଅଭିଯୋଗକୁ ଦଳି ଚକଟି ଡଷ୍ଟବିନ୍&zwnj;କୁ ଫିଙ୍ଗି ଦେବା ଭଳି ମନେ ହେଉଛି।</p><p>ଅଚ୍ୟୁତଙ୍କ ପ୍ରତି ସରକାର ଓ ପ୍ରଶାସନ ସମସ୍ତେ ଯେମିତି ଆଖି ଥାଇ ଅନ୍ଧ ପାଲଟିଛନ୍ତି । ଜମି ହରାଇଥିବା ସାଧାରଣ ଲୋକ&nbsp; ବାରମ୍ବାର କୋର୍ଟ କଚେରୀ ଥାନା ଦୌଡି ଦୌଡି ନୟାନ୍ତ ହେଲେଣି। ହେଲେ ତାଙ୍କ ପାଇଁ ଯେମିତି କେହି ନାହାନ୍ତି । ସାଧାରଣ ଲୋକଙ୍କ କଥା ଛାଡନ୍ତୁ ଅଚ୍ୟୁତଙ୍କ କବଳରୁ ସରକାରୀ ଜମି ବି ଫେରାଇ ଆଣି ପାରୁନାହାନ୍ତି ଖୋଦ୍ ସରକାର । ଏମିତିକି ଏନ୍&zwnj;ଜିଟିର ଆଦେଶଙ୍କୁ ମଧ୍ୟ ସରକାର ପାଳନ କରିବାକୁ ପଛଘୁଞ୍ଚା ଦେଉଛନ୍ତି । ତେବେ ସ୍ୱଚ୍ଛ ଓ ନିର୍ମଳ ଭାବମୂର୍ତ୍ତିର ନାରା ଦେଉଥିବା ବିଜେଡି କିପରି ଏଭଳି ଜଣେ ବ୍ୟକ୍ତିକୁ ନିଜ ଦଳରେ ସାମିଲ କରି ରାଜ୍ୟସଭା ସାଂସଦ କଲା ତାଙ୍କୁ ନେଇ ବଢିଲାଣି ସନ୍ଦେହ। &nbsp;ଏମିତିକି କିସ୍&zwnj;ରେ ପଢୁଥିବା ୨୫ ହଜାର ଆଦିବାସୀଙ୍କ ପରିବାରକୁ ନିଜର ଭୋଟ୍ ବ୍ୟାଙ୍କରେ ସାମିଲ କରିବା ପାଇଁ ଏପରି ଜଣେ ବ୍ୟାକ୍ତିଙ୍କୁ ସାଂସଦ କରାଯାଛି ବୋଲି ମଧ୍ୟ କଥା ଉଠିଛି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।