ବ୍ୟବସ୍ଥା ବିରୋଧରେ ବର୍ଷିଲେ ବିଦ୍ୟାଭୂଷଣ: କହିଲେ- ଆତଙ୍କବାଦୀ ନହେଲେ ଏଠି ବଞ୍ଚିବା ମୁସ୍କିଲ, ବାନ୍ଧିବ ତ ଆସ

<p>କଟକ: &lsquo;ଏଠି ନ୍ୟାୟ ନାହିଁ। ଭାରତର ୮୦ ପ୍ରତିଶତ ବିଚାରାଧୀନ କଏଦୀ, ବନ୍ଦୀ ଜୀବନ କାଟୁଛନ୍ତି। ସେମାନଙ୍କ ସ୍ୱର କାହାକୁ ଶୁଭୁନି। ଏଠି ବିନା ଉତ୍କୋଚ, ବିନା ପଇସାରେ ଜଣେ ସାଧାରଣ ଭାବେ ଜୀବନଯାପନ କରିପାରିବ ନାହିଁ।&lsquo;</p><p>ଏଭଳି ଢଙ୍ଗରେ ନ୍ୟାୟ ବ୍ୟବସ୍ଥା ବିରୋଧରେ ବିଷ ଓଗାଳିଛନ୍ତି ଓଡ଼ିଶାର ପୂର୍ବତନ ହୋମଗାର୍ଡ ଡିଜି ବିଦ୍ୟାଭୂଷଣ ମହାନ୍ତି । ଖାଲି ବର୍ଷି ନାହାଁନ୍ତି, ବିବାଦୀୟ ବୟାନ ଦେଇ, ପୁଣିଥରେ ତାଙ୍କୁ ବାନ୍ଧି ନେବାକୁ ସେ ଆହ୍ୱାନ ଦେଇଛନ୍ତି। ସାଧାରଣ ଜନତା ନୁହେଁ, ଜଣେ ଆତଙ୍କବାଦୀ ନ ହେଲେ ଏଠି ବଞ୍ଚିବା ମୁସ୍କିଲ ବୋଲି ବିଦ୍ୟାଭୂଷଣ କହିଛନ୍ତି। ପୁଅ ବିତ୍ତିହୋତ୍ରଙ୍କୁ ଜେଲରୁ ମୁକୁଳିବା ସଂପର୍କରେ ପ୍ରତିକ୍ରିୟା ଦେଇ ସେ ଏମିତି ମତ ରଖି&zwnj;&zwnj;ଛନ୍ତି। ସେହିପରି କହୁ କହୁ ସେ ଗଣମାଧ୍ୟମ ଉପରକୁ ଅଙ୍ଗୁଳି ନିର୍ଦ୍ଦେଶ କରିଛନ୍ତି। ସେହି ବିଚାରଧୀନ କଏଦୀଙ୍କ ପାଇଁ କାହିଁକି ଗଣମାଧ୍ୟମ ସ୍ୱର ଉଠାଉନି ବୋଲି ସେ ପ୍ରଶ୍ନ କରିଛନ୍ତି। ବୟାନ ଦେଉଦେଉ ମଝିରେ ମଝିରେ ସେ ତାତି ଯାଉଥିଲେ। କହିଥିଲେ &ldquo;କ୍ୟୁ ନେହିଁ ସୁର୍&zwnj; ଜିସ୍ କୀ ଆୱାଜ୍&zwnj; କାହାଁ ଗୁଞ୍ଜ ରହିହେ&rdquo;। ସେହିପରି ସେ କହିଛନ୍ତି, ରାଜସ୍ଥାନ ହେଉଛି ରାକ୍ଷସର ସ୍ଥାନ। ଜଣେ ସାଧାରଣ ଓଡ଼ିଆ ମେଧାବୀ ଯୁବକ (ତାଙ୍କ ପୁଅ ବିତ୍ତିହୋତ୍ର) ବିନା କାରଣରେ ୫ ବର୍ଷ ଜେଲଦଣ୍ଡ ଭୋଗିଲେ ବୋଲି ସେ କହିଥିଲେ। ଏଥିସହ ପୁଅ ଓଡ଼ିଶା ଫେରିବା ପ୍ରସଙ୍ଗରେ ମଧ୍ୟ ସେ ମତ ରଖିଛନ୍ତି। କହିଥିଲେ ଆସନ୍ତାକାଲି ଆଜମୀରରୁ ଦିନ ୩ଟା ୩୦ରେ ଟ୍ରେନ୍ ଚଢିବେ। ତାଙ୍କୁ ଓଡ଼ିଶା ଆସିବା ପାଇଁ ୩୬ ଘଣ୍ଟା ଲାଗିବ ବୋଲି ସେ କହିଛନ୍ତି।</p><p>ସୂଚନା ଅନୁଯାୟୀ ଗତକାଲି ଜେଲରୁ ମୁକୁଳିଛନ୍ତି ବିତ୍ତିହୋତ୍ର ମହାନ୍ତି। ଜର୍ମାନ&nbsp;ଛାତ୍ରୀଙ୍କୁ ବଳାତ୍କାର ମାମଲାରେ ସେ ରାଜସ୍ଥାନ ଜୟପୁର ସେଣ୍ଟ୍ରାଲ ଜେଲରେ ବନ୍ଦୀ ଜୀବନ କାଟୁଥିଲେ।&nbsp;ତେବେ ମାର୍ଚ୍ଚ ୩୧ରେ ବିତ୍ତିଙ୍କୁ ସର୍ତ୍ତମୂଳକ ଜାମିନ ଦେଇଥିଲେ ସୁପ୍ରିମକୋର୍ଟ। ହେଲେ ପାରୋଲ ଉଲ୍ଲଂଘନ କରିଥିବା ଯୋଗୁଁ ତାଙ୍କୁ ଜେଲରୁ ଛାଡି ନଥିଲେ ରାଜସ୍ଥାନ ଜେଲ କର୍ତ୍ତୃପକ୍ଷ। ଏହାକୁ ଚାଲେଞ୍ଜ କରି ବିତ୍ତିହୋତ୍ର ରାଜସ୍ଥାନ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ। ତେବେ ହାଇକୋର୍ଟ ତାଙ୍କ ବିରୋଧରେ ଥିବା ପାରୋଲ ମାମଲାକୁ ଖାରଜ କରିଦେଇଥିଲେ। ଜର୍ମାନ ଯୁବତୀ ଦୁଷ୍କର୍ମ ମାମଲାରେ ବିତ୍ତିହୋତ୍ରଙ୍କୁ ୭ ବର୍ଷ ଜେଲ ଦଣ୍ଡାଦେଶ ଦେଇଥିଲେ କୋର୍ଟ। ତେବେ ୨୦୦୬ରେ ପାରୋଲରେ ଆସି ଆଉ ଜେଲ ଫେରିନଥିଲେ। ପରେ ବିତ୍ତିଙ୍କୁ କେରଳରୁ ଗିରଫ କରାଯାଇଥିଲା।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।