ମାଛ କିଲୋ ୬୫୦୦ ଟଙ୍କା

ଚାନ୍ଦବାଲି (ବାସୁଦେବ ଦାସ): ମାଛ କିଲୋ ୬୫୦୦ ଟଙ୍କା। ଏହି କଥା କହିଲେ ସାଧାରଣତଃ କେହି ବିଶ୍ୱାସ କରିପାରିବେ ନାହିଁ। କିନ୍ତୁ ଏହା ସତ।  ଏମିତି ମାଛ ଧରା ହୋଇଛି ଭଦ୍ରକ ଜିଲ୍ଲା ଧାମରାରୁ। ଏହି ମାଛର ସାଇଣ୍ଟିଫିକ୍ ନାଁ ହେଉଛି “ବ୍ଲାକ୍‌ ସ୍ପଟେଡ୍‌ କ୍ରୋକର”। ଆଉ ଆଞ୍ଚଳିକ ଭାଷାରେ ଏହାକୁ ‘ତେଲିଆ ଶିଳା’ ମାଛ ବୋଲି କୁହାଯାଏ।

ଗତ ୧୫ ତାରିଖରେ ଧାମରାରୁ କିଛି ମତ୍ସ୍ୟଜୀବୀ ଗଭୀର ସମୁଦ୍ରକୁ ମାଛ ଧରିବାକୁ ଯାଇଥିଲେ। ସେମାନେ ଜାଲ ପକାଇବା ବେଳେ ବଡ଼ ବ୍ଲାକ ସ୍ପଟେଡ୍‌ କ୍ରୋକର ମାଛ ଧରାପଡ଼ିଥିଲେ।  ସେମାନେ ମୋଟ ୧୦ଟି ବ୍ଲାକ୍‌ ସ୍ପଟେଡ୍‌ କ୍ରୋକର ବା ତେଲିଆ ଶିଳା ମାଛ ଧରିଥିଲେ। ଗୋଟିଏ ଗୋଟିଏ ମାଛର ଓଜନ ପ୍ରାୟ ୨୫ରୁ ୩୦ କିଲୋଗ୍ରାମ ଥିଲା।

fish2ମତ୍ସଜୀବୀଙ୍କ କହିବା ଅନୁଯାୟୀ, ଏହି ପ୍ରଜାତିର ଛୋଟ ମାଛ ବର୍ଷସାରା ମିଳନ୍ତି। କିନ୍ତୁ ବଡ଼ ମାଛ ମିଳନ୍ତି ନାହିଁ। ଗତବର୍ଷ ଦୁଇଟି ବଡ଼ ତେଲିଆ ଶିଳା ମିଳିଥିବା ବେଳେ ଆଜି ୧୦ଟି ମିଳିଛନ୍ତି।

ବଡ଼ ବ୍ଲାକ୍‌ ସ୍ପଟେଡ୍‌ କ୍ରୋକର ମାଛରେ ବହୁ ଔଷଧୀୟ ଗୁଣ ରହିଥିବାରୁ ଏହାର ଚାହିଦା ଅଧିକ ରହିଛି। ଧାମରାରୁ ଏହି ରାଜ୍ୟ ବାହାରକୁ ଚାଲାଣ ହେଉଛି।

ଜୁଲଜିକାଲ୍‌ ସର୍ଭେ ଅଫ୍‌ ଇଣ୍ଡିଆର ବୈଜ୍ଞାନିକ ଅନିଲ ମହାପାତ୍ର କହିଛନ୍ତି,“ଏହି ମାଛର ସାଇଣ୍ଟିଫିକ୍‌ ନାଁ ହେଉଛି ବ୍ଲାକ ସ୍ପଟେଡ୍‌ କ୍ରୋକର। ଏହି ମାଛରେ ବହୁ ଔଷଧୀୟ ଗୁଣ ରହିଛି। ତେଣୁ ଏହାର ଚାହିଦା ଅଧିକ ରହିଛି। ଯେଉଁ ମାଛର ସ୍ୱିମ୍‌ ବ୍ଲାଡର ଯେତେ ବଡ଼, ତାର ଦାମ୍‌ ସେତେ ଅଧିକ ରହିଛି। ଏମିତିକି  କେଜି ୪୦ରୁ ୫୦ ହଜାର ଟଙ୍କା ଛୁଇଁଯାଏ। ତେବେ ପୁରୁଷ ବ୍ଲାକ ସ୍ପଟେଡ୍‌ କ୍ରୋକର ମାଛର ସ୍ୱିମ୍‌ ବ୍ଲାଡର ବଡ଼ ରହିଥିବାରୁ ଚାହିଦା ଅଧିକ ରହିଛି। ଏହି ପ୍ରଜାତିର ମାଛ ଗଭୀର ସମୁଦ୍ରରେ ମିଳନ୍ତି।”

ଆହୁରି ପଢ଼ନ୍ତୁ

କରୋନାରେ ଆଖି ବୁଜିଲେ ଆଉ ୫, ମୃତ୍ୟୁ ସଂଖ୍ୟା ୬୧ ଛୁଇଁଲା

୨ ଜିଲ୍ଲାବାସୀଙ୍କୁ ଅନୁଗୋଳ ମନା

ବନ୍ଦ ହେଲା ବଣାଇ ମେଡିକାଲ ଓପିଡ଼ି

ହଟ୍‌ସ୍ପଟ୍‌ ଜିଲ୍ଲାରୁ କଟକ ସହରକୁ ଆସିଲେ କ୍ୱାରେଣ୍ଟାଇନ୍‌ ବାଧ୍ୟମୂଳକ

ଅପରାହ୍ନରେ ଅପହରଣ, ରାତିରେ ଉଦ୍ଧାର ହେଲେ ବ୍ୟବସାୟୀ

ହଟ୍‌ସ୍ପଟ୍‌ ଜିଲ୍ଲାରୁ କୋରାପୁଟ ଆସିଲେ ରହିବେ କ୍ୱାରେଣ୍ଟାଇନ୍‌ରେ

‘ସେଲ୍ଫ ଆଇସୋଲେସନରେ ରହିବାକୁ ଚାହୁଁଥିଲେ ଦେବାକୁ ପଡ଼ିବ ଅଣ୍ଡରଟେକିଂ’

ଜିରୋନ୍‌ ମିସ୍‌ ଇଣ୍ଡିଆ ସେମିଫାଇନାଲ୍‌ରେ ଚମକିବେ ଓଡ଼ିଆ ଝିଅ ପ୍ରାଞ୍ଜଲ

୩ ଆଇଏଏସଙ୍କୁ ‘କୋଭିଡ୍ ’ ଦାୟିତ୍ୱ

ରାଜ୍ୟବାସୀଙ୍କୁ ଜଣାଅ ରାଜ୍ୟର ଆର୍ଥିକ ସ୍ଥିତି: ନିରଞ୍ଜନ

ପ୍ରବାସୀ ଓଡ଼ିଆ ଦମ୍ପତିଙ୍କ ମୃତ୍ୟୁ: ମାନବାଧିକାର କମିଶନଙ୍କ ହସ୍ତକ୍ଷେପ ଲୋଡ଼ିଲା ବିଜେପି

ସମ୍ବଲପୁରରେ ଚାଞ୍ଚଲ୍ୟ, ବ୍ୟବସାୟୀଙ୍କୁ ଅପହରଣ