ପୁଲିସ ଘରେ କଳାକନା ବୁଲେଇ ଦେଲା ଚୋର

ପୁରୀ(ଓଡ଼ିଶା ରିପୋର୍ଟର) ପୁଲିସ ଘରେ ପଶିଲା ଚୋର। ପୁରୀ କୁମ୍ଭାରପଡ଼ା ଥାନା ଅନ୍ତର୍ଗତ ଏକ ପୁଲିସ କ୍ୱାର୍ଟରରୁ ଚୋରି ଅଭିଯୋଗ । ଗତକାଲି ବିଳମ୍ବିତ ରାତିରେ କାକଟପୁର ଥାନାଧିକାରୀ ସୁଜିତ୍ ଦାସଙ୍କ ଘରେ ୩ରୁ ୪ ଚୋର ପଶି ଆଲମିରା ଭାଙ୍ଗି ସୁନା ଗହଣା ଲୁଟି ନେଇଛନ୍ତି। ମଙ୍ଗଳସୂତ୍ର ଏବଂ ୧୦ ହଜାରରୁ ଊର୍ଦ୍ଧ୍ୱ ଟଙ୍କା ଚୋରି ହୋଇଥିବା ଅଭିଯୋଗ ହୋଇଛି। ଲକଡାଉନ ଯୋଗୁ ସୁଜିତ ପରିବାର ସହ କାକଟପୁର ଚାଲିଯାଇଛନ୍ତି । ଘରେ କେହିନଥିବା ସୁଯୋଗରେ ଚୋର ପଶି ଲୁଟ୍ କରିଛନ୍ତି। ଏନେଇ କୁମ୍ଭାରପଡା ଥାନାରେ ଏକ ମାମଲା ରୁଜୁ କରାଯାଇଥିବାବେଳେ ସାଇଣ୍ଟିଫିକ୍ ଟିମ୍ ଘଟଣାର ତଦନ୍ତ କରୁଛନ୍ତି । ସିସିଟିଭି ଫୁଟେଜକୁ ବି ତଦନ୍ତ ପରିସରକୁ ନିଆଯିବ ବୋଲି କୁମ୍ଭାରପଡା ଥାନା ଭାରପ୍ରାପ୍ତ ଅଧିକାରୀ ସୂଚନା ଦେଇଛନ୍ତି।