ବାଲେଶ୍ୱର: ବାଲେଶ୍ୱର ଜିଲ୍ଲା ଦହପଡ଼ାରେ ଗତକାଲି ବିଳମ୍ବିତ ରାତିରେ ଏକ ପାର୍ସଲ ବକ୍ସ ଫାଟିଯିବାରୁ ୩ଜଣ ଗୁରୁତର ଆହତ ହୋଇଛନ୍ତି। ସେମାନେ ହେଲେ ସଞ୍ଜୁଲତା ପ୍ରଧାନ, ଶର୍ମିଷ୍ଠା ପ୍ରଧାନ ଓ ଯଶୋବନ୍ତ ପ୍ରଧାନ। ଗତକାଲି ରାତି ପ୍ରାୟ ସାଢେ ୧୨ଟା ସମୟରେ ଏହି ଘଟଣା ଘଟିଛି।
ଦହପଡ଼ାର ବୃନ୍ଦାବନ ପ୍ରଧାନଙ୍କ ଘର ବାରଣ୍ଡାରେ ଏକ ପାର୍ସଲ ବକ୍ସ ଥିବା ଦେଖି ତାକୁ ପଡ଼ୋଶୀ ଯଶୋବନ୍ତଙ୍କ ସହାୟତାରେ ସଞ୍ଜୁଲତା ଓ ଝିଅ ଶର୍ମିଷ୍ଠା ଖୋଲିବାକୁ ଚେଷ୍ଟା କରିଥିଲେ। ଏହି ସମୟରେ ପାର୍ସଲ ବକ୍ସଟି ଫାଟିଯିବାରୁ ୩ଜଣ ଗୁରୁତର ଆହତ ହୋଇଥିଲେ। ଆହତ ମାନଙ୍କୁ ତୁରନ୍ତ ବାଲେଶ୍ୱର ମେଡ଼ିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ଅବସ୍ଥା ସଙ୍କଟାପନ୍ନ ହେବାରୁ ଶର୍ମିଷ୍ଠା ଓ ଯଶୋବନ୍ତଙ୍କୁ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଛି।
ତେବେ ପାର୍ସଲଟି କେଉଁଠୁ ଆସିଥିଲା । କିଏ ରଖିଥିଲା। କାହିଁକି ରଖିଥିଲା । ସେ ସମ୍ପର୍କରେ କୌଣସି ସୂଚନା ମିଳିପାରିନାହିଁ। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।