ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ନୟାଗଡ଼ (ଓଡ଼ିଶା ରିପୋର୍ଟର): ନୟାଗଡ଼ ଜିଲ୍ଲା ଓଡ଼ଗାଁ ଥାନା ଅଞ୍ଚଳରେ ସିରିଜ୍‌ ବୋମା ମାଡ଼ ହୋଇଛି। ଏଥିରେ ୩ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ଜଣଙ୍କ ଅବସ୍ଥା ଗୁରୁତର ରହିଛି।</p> <p>ସୂଚନା ଅନୁସାରେ, ଗତକାଲି ରାତିରେ ୩ ଜଣ ଯୁବକ ଏକ ବାଇକ୍‌ରେ ଆସି ପ୍ରଥମେ ରଙ୍ଗଣିପାଟଣାରେ ବୋମାମାଡ଼ କରିଥିଲେ। ଏହାପରେ ମକରପଦ ଓ କୋମଣ୍ଡରେ ବୋମାମାଡ଼ କରିଥିଲେ।</p> <p>ବୋମାମାଡ଼ କରିଥିବା ତିନି ଯୁବକଙ୍କ ମଧ୍ୟରୁ ଦୁଇ ଜଣ ଆହତ ହୋଇଛନ୍ତି। ସେମାନେ ହେଉଛନ୍ତି ବେଲଗୁଣ୍ଠାର ବଳିଆ ପଣ୍ଡା ଓ ସରଣକୂଳର ରାମଚନ୍ଦ୍ର ହୋତା। ପୁଲିସ୍‌ ଏ ଦୁଇ ଜଣଙ୍କୁ ଗିରଫ କରି ପଚରାଉଚରା କରୁଛି। ସେମାନଙ୍କର ଆଉ ଜଣେ ସାଥୀ ଫେରାର ହୋଇଯାଇଛି।</p> <p>ବୋମାମାଡ଼ରେ ରାଜକିଶୋର ସାହୁ ନାମକ ଜଣେ ପଥଚାରୀ ଗୁରୁତର ଆହତ ହୋଇଛନ୍ତି। ତାଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଛି।</p> <p>ଏ ବୋମାମାଡ଼ର କାରଣ ସଂପର୍କରେ ସ୍ପଷ୍ଟ ସୂଚନା ମିଳି ନାହିଁ।</p> <p>ତେବେ ମିଳିଥିବା ସୂଚନା ଅନୁସାରେ, ବଳିଆଙ୍କୁ କୋମଣ୍ଡର ଜଣେ ଯୁବକ ଫୋନ୍ କରି ଧମକ ଦେଇଥିଲେ। ତା’ପରେ ସେ ତାଙ୍କ ବନ୍ଧୁମାନଙ୍କ ସହ ଉକ୍ତ ବ୍ୟକ୍ତିଙ୍କୁ ଖୋଜିବାକୁ ଆସିଥିଲେ। ତିନି ଜଣ ଯାକ ମଦ ପିଇ ଦେଇଥିଲେ। ଉକ୍ତ ଯୁବକଙ୍କୁ ଆକ୍ରମଣ କରିବାକୁ ଉଦ୍ଦେଶ୍ୟ ରଖି ବାହାରିଥିବା ଏ ତିନି ଜଣ ଯୁବକ ପ୍ରଥମେ ରଙ୍ଗଣିପାଟଣାରେ ବୋମାମାଡ଼ କରିଥିଲେ। ତା’ପରେ ମକରପଦରେ ବୋମାମାଡ଼ କରିଥିଲେ। ଶେଷରେ କୋମଣ୍ଡରେ ବୋମାମାଡ଼ କରିଥିଲେ। ଆଉ ସେଠାରେ ହିଁ ସେମାନଙ୍କ ମଧ୍ୟରୁ ଦୁଇ ଜଣ ଆହତ ହୋଇଥିଲେ। ସେମାନଙ୍କ ସହିତ ଜଣେ ପଥଚାରୀ ମଧ୍ୟ ଆହତ ହୋଇଥିଲେ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
