ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଅନୁଗୋଳ (ବିରଜା ପ୍ରସାଦ ଦାଶ): ମଧ୍ୟପ୍ରଦେଶରୁ ଆସି ସାତକୋଶିଆରେ ସ୍ୱତନ୍ତ୍ର ଏନକ୍ଲୋଜରରେ ଥିବା ବାଘୁଣୀ ‘ସୁନ୍ଦରୀ’ ଖାଦ୍ୟ ଗ୍ରହଣ କରିଛି। ସେ ଏକ ବାର୍‌ହା ମାରି ଖାଇଛି। ଗତକାଲି ତା’ ଖାଦ୍ୟ ଭାବେ ଏହି ବାରାହାକୁ ଏନକ୍ଲୋଜର ମଧ୍ୟରେ ଛଡ଼ାଯାଇଥିଲା।</p> <p>ଗତକାଲି ସୁନ୍ଦରୀକୁ ମଧ୍ୟପ୍ରଦେଶର ବାନ୍ଧବଗଡ଼ରୁ ଏଠାକୁ ଅଣାଯାଇଥିଲା। ତାକୁ ସାତକୋଶିଆର ରାଇଗୋଡ଼ା ଅଞ୍ଚଳରେ ରାତି ୯ଟା ୫୦ରେ ସ୍ୱତନ୍ତ୍ର ଏନକ୍ଲୋଜରରେ ଛଡ଼ାଯାଇଥିଲା। ତା’ ଉପରେ ୨୪ ଘଣ୍ଟା ନଜର ରଖିବା ପାଇଁ ଏନକ୍ଲୋଜରରେ ସିସିଟିଭି ଲଗାଯାଇଛି।</p> <p>ପୂର୍ବରୁ ଆସିଥିବା ବାଘ ଏନକ୍ଲୋଜରରେ ନିକଟରେ ହିଁ ଏହାର ଏନକ୍ଲୋଜର ରହିଛି। ବାଘୁଣୀକୁ ନିଶ୍ଚେତକ ଦିଆଯାଇ କାବୁ କରି ସାତକୋଶିଆ ଅଣାଯାଇଥିଲା। ଓଡ଼ିଶା ଓ ମଧ୍ୟପ୍ରଦେଶର ବନବିଭାଗ ଟିମ୍, ୱାଇଲ୍ଡ ଲାଇଫ୍ ଇନ୍‌ଷ୍ଟିଚ୍ୟୁଟ୍‌ ଅଫ୍ ଇଣ୍ଡିଆର ବିଶେଷଜ୍ଞ ଓ ବନ୍ୟପ୍ରାଣୀ ଡାକ୍ତରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏକ ସ୍ୱତନ୍ତ୍ର ଗାଡ଼ିରେ ତାକୁ ଅଣାଯାଇଥିଲା। ଗତ ୨୧ ତାରିଖରେ ଆସିଥିବା ବାଘ ଏକୁଟିଆ ଥିବାରୁ ବାଘୁଣୀକୁ ଆଣିବା ନିହାତି ଆବଶ୍ୟକ ଥିଲା ବୋଲି କହିଥିଲେ ଜଙ୍ଗଲ ବିଭାଗ ସଚିବ। କିଛି ଦିନ ପରେ ଉଭୟ ବାଘବାଘୁଣୀଙ୍କୁ ସାତକୋଶିଆ ଜଙ୍ଗଲରେ ଛଡ଼ାଯିବ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
