ଆଜି ପ୍ରକାଶ ପାଇବ ଜେଇଇ ମେନ୍ ରେଜଲ୍ଟ

ଭୁବନେଶ୍ୱର( ଓଡ଼ିଶା ରିପୋର୍ଟର): ଆଜି ପ୍ରକାଶ ପାଇବ ଜେଇଇ ମେନ୍ ପ୍ରଥମ ପେପର ରେଜଲ୍ଟ। ଗତ ୮ତାରିଖରେ ଏହାର ଅଫଲାଇନ୍ ପରୀକ୍ଷା ଏବଂ ୧୫ ଓ ୧୬ ତାରିଖରେ ଅନ୍‌ଲାଇନ ପରୀକ୍ଷା ହୋଇଥିଲା। ଓଡ଼ିଶାରୁ ମୋଟ ୪୪ ହଜାର ୪୮୮ ଜଣ ଛାତ୍ରଛାତ୍ରୀ ଜେଇଇ ମେନ୍ ପରୀକ୍ଷା ପାଇଁ ପଞ୍ଜୀକରଣ କରିଥିଲେ। ସେମାନଙ୍କ ମଧ୍ୟରୁ ୩୬ ହଜାର ୪୯୯ ଜଣ ଅଫଲାଇନ ଓ ୭ହଜାର ୯୮୯ ଜଣ ପରୀକ୍ଷାର୍ଥୀ ଅନଲାଇନରେ ପରୀକ୍ଷା ପାଇଁ ରେଜିଷ୍ଟ୍ରେସନ୍ କରିଥିଲେ।

ଅନ୍ୟପକ୍ଷରେ ଜେଇଇ ମେନରେ ଦ୍ୱିତୀୟ ପେପର୍ ରେଜଲ୍ଟ ମେ’ ୩୧ରେ ପ୍ରକାଶ ପାଇବ। ମୋଟ କୃତକାର୍ଯ୍ୟଙ୍କ ପରୀକ୍ଷାର୍ଥୀ ମଧ୍ୟରୁ ସାରା ଦେଶରେ ୨ଲକ୍ଷ ୨୦ ହଜାର ଛାତ୍ରଛାତ୍ରୀ ଜେଇଇ ଆଡଭାନ୍ସ ପାଇଁ ଯୋଗ୍ୟ ବିବେଚିତ ହେବେ।