ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜଧାନୀ ଭୁବନେଶ୍ୱର ଉପକଣ୍ଠରେ ଥିବା ଗାଁ ପାଇଁ ଟାଉନ୍ ପ୍ଲାନିଂ ସ୍ମିମକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଶୁଭାରମ୍ଭ କରିଛନ୍ତି। ଭୁବନେଶ୍ୱର ଉପକଣ୍ଠରେ ଥିବା ୫୮ଟି ରାଜସ୍ୱ ଗାଁ ପାଇଁ ୪୫ଟି ଟାଉନ୍ ପ୍ଲାନିଂ ସ୍କିମକୁ ଅନୁମୋଦନ କରିଛନ୍ତି। ପ୍ରଥମ ପର୍ଯ୍ୟାୟରେ ସହଜପୁରର ୩୫୮ଜଣ ଜମି ମାଲିକଙ୍କୁ ପଟ୍ଟା ପ୍ରଦାନ କରାଯାଇଛି। ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା ସେମାନଙ୍କୁ ପଟ୍ଟା ବଣ୍ଟନ କରିଛନ୍ତି।
ଏହି ଅବସରରେ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ କହିଛନ୍ତି ଯେ, ଜମି ମାଲିକମାନଙ୍କ ସହ ଭାଗିଦାରୀ କରି ବିଡିଏ ଏଭଳି ଟାଉନ୍ ପ୍ଲାନିଂ ସ୍କିମ୍ ଆଣିଛି। ଯାହାକି ଓଡ଼ିଶାରେ ପ୍ରଥମ। ସହରକୁ ସ୍ୱଚ୍ଛ ଓ ଯୋଜନାବଦ୍ଧ ଢଙ୍ଗରେ ସମ୍ପ୍ରସାରଣ କରିବାର ଏହା ବାସ୍ତବ ମାର୍ଗ। ଏହା ରାଜ୍ୟର ପ୍ଲାନିଂ ଡେଭଲପମେଣ୍ଟ କ୍ଷେତ୍ରରେ ଏକ ନୂଆ ଯୁଗ ସୃଷ୍ଟି କରିବ। ନାଗରିକଙ୍କ ଭାଗିଦାରୀରେ ସହରର ବିକାଶକୁ ଏଥିରେ ଧ୍ୟାନକେନ୍ଦ୍ରିତ କରାଯାଇଛି। ଏହି ସ୍କିମକୁ ନିର୍ଦ୍ଧାରିତ ଅବଧି ମଧ୍ୟରେ କାର୍ଯ୍ୟକାରୀ କରିବା ସହ ରାଜ୍ୟର ଅନ୍ୟ ସହରରେ ମଧ୍ୟ କାର୍ଯ୍ୟକ୍ଷମ କରାଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
