ଆନନ୍ଦପୁର(ମୁନ୍ନା ସିଂ): ଟ୍ରାକ୍ଟର ଚକାରେ ପ୍ରେସର ଦେଲା ବେଳେ ଫାଟିଲା। ଫଳରେ ଘଟଣା ସ୍ଥଳରେ ଚାଳକଙ୍କ ମୃତ୍ୟୁ ଘଟିଥିବା ବେଳେ ମାଲିକ ଗୁରୁତର ଆହତ ହୋଇଛନ୍ତି। ଆଜି ଅପରାହ୍ନରେ ଏପରି ମର୍ମନ୍ତୁଦ ଦୁର୍ଘଟଣା କେନ୍ଦୁଝର ଜିଲ୍ଲା ଆନ୍ଦପୁରରେ ଘଟିଛି।
ଆନନ୍ଦପୁର ଥାନା ତରଭା ଗାଁର ସଞ୍ଜିବ ସେଠୀଙ୍କ ଟ୍ରାକ୍ଟରରେ ମାଧବ ଜେନା ଚାଳକ ଭାବେ କାମ କରନ୍ତି। ଆଜି ଉଭୟ ଟ୍ରାକ୍ଟର ଚକା ମରାମତି କରିବା ପାଇଁ ଶାସଙ୍ଗ ଛକରେ ଥିବା ଏକ ଗ୍ୟାରେଜକୁ ଯାଇଥିଲେ। ସେଠାରେ ଟ୍ରାକ୍ଟର ଚକରେ ପ୍ରେସର ଦେଲା ବେଳେ ବିସ୍ଫୋରଣ କରିଥିଲା। ଫଳରେ ଘଟଣା ସ୍ଥଳରେ ଟ୍ରାକ୍ଟର ଚାଳକ ମାଧବ ଜେନାଙ୍କ ମୃତ୍ୟୁ ଘଟିଥିଲା ବେଳେ ମାଲିକ ସଞ୍ଜିବ ସେଠୀ ଗୁରୁତର ଆହତ ହୋଇଥିଲେ।
ସ୍ଥାନୀୟ ଲୋକେ ସଞ୍ଜିବଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଆନନ୍ଦପୁର ଉପଖଣ୍ଡ ମେଡ଼ିକାଲ୍ରେ ଭର୍ତ୍ତି କରିଥିଲେ। ସେଠାରେ ତାଙ୍କର ଚିକିତ୍ସା ଚାଲିଛି। ବର୍ତ୍ତମାନ ତାଙ୍କ ସ୍ୱାସ୍ଥ୍ୟ ଅବସ୍ଥା ଉଦ୍ବେଗଜନକ ରହିଛି। ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।