ଗାଁକୁ ଯାଇପାରିଲାନି ଆମ୍ୱୁଲାନ୍ସ, ମଝି ରାସ୍ତାରେ ପ୍ରସବ କଲେ ପ୍ରସୂତି

କୋରାପୁଟ(ସୂର୍ଯ୍ୟ ପଣ୍ଡା): ଗାଁକୁ ଯାଇପାରିଲାନି ଆମ୍ୱୁଲାନ୍ସ। ଭାରରେ ନିଆଯାଉଥିବା ବେଳେ ରାସ୍ତାରେ ପୁତ୍ର ସନ୍ତାନ ପ୍ରସବ କଲେ ପ୍ରସୂତି। ଏପରି ଘଟଣା କୋରାପୁଟ ଜିଲ୍ଲା ଦଶମନ୍ତପୁର ବ୍ଲକ ଡୁମ୍ବାଗୁଡା ପଞ୍ଚାୟତ କାଳିଆମ୍ବ ଗାଁରେ ଘଟିଛି। ପ୍ରସବ ପରେ ମାଆ ଓ ଛୁଆ ସୁସ୍ଥ ଅଛନ୍ତି।

ରାସ୍ତା ନଥିବାରୁ ଆମ୍ବୁଲାନ୍ସ ଆସିପାରିଲାନି। ଗର୍ଭବତୀଙ୍କୁ ଭାରରେ ନେଇ ଗଲାବେଳେ ରାସ୍ତାରେ କରିଛନ୍ତି ପ୍ରସବ। କୋରାପୁଟର ଦଶମନ୍ତପୁର…

Odisha Reporter यांनी वर पोस्ट केले शनिवार, १९ सप्टेंबर, २०२०

ସୂଚନା ଅନୁଯାୟୀ, ଗତକାଲି ରାତିର କାଳିଆମ୍ବର କୈଳାଶ ସାହୁଙ୍କ ସ୍ତ୍ରୀ କବିତାଙ୍କୁ ପ୍ରସବ ବେଦନା ହୋଇଥିଲା। ଆମ୍ୱୁଲାନ୍ସ ପାଇଁ ପରିବାର ଲୋକେ ୧୦୨କୁ ଫୋନ କରିଥିଲେ। ହେଲେ ଗାଁକୁ ଭଲ ରାସ୍ତା ନଥିବାରୁ ଆମ୍ବୁଲାନ୍ସ ଆସି ପାରିଲା ନାହିଁ। ଗାଁଠୁ ୩ କିଲୋମିଟର ରହିଲା ଆମ୍ୱୁଲାନ୍ସ। ତେଣୁ ପରିବାର ଲୋକ ଭାରରେ ପ୍ରସୂତିଙ୍କୁ ନେଉଥିଲେ। ତେବେ ରାସ୍ତାରେ ପୁତ୍ର ସନ୍ତାନ ଜନ୍ମ ଦେଇଥିଲେ ପ୍ରସୂତି। ପରେ ମାଆ ଓ ଛୁଆକୁ ଆମ୍ୱୁଲାନ୍ସରେ ନିଆଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି। ବର୍ତ୍ତମାନ ଦଶମନ୍ତପୁର ଡାକ୍ତରଖାନାରେ ଉଭୟ ମାଆ ଓ ଶିଶୁ ସୁସ୍ଥ ଥିବା ଜଣାପଡିଛି।

ଆହୁରି ପଢ଼ନ୍ତୁ