ଚିତ୍ରକୋଣ୍ଡାର ଜୀବନ ଯାତ୍ରାର ଚିତ୍ର, ମୋଟର ଚାଳିତ ବୋଟ ଟାଣୁଛି ଦଉଡ଼ି: ଦେଖନ୍ତୁ ଭିଡିଓ

<p>ଭୁବନେଶ୍ୱର(ଓଡିଶା ରିପୋର୍ଟର): ଅନେକ ଦୁର୍ଦ୍ଦଶାର ଚିତ୍ର ଆପଣ ଦେଖିଥିବେ । ଅନକ ଥର ଏ ବାବଦରେ ଶୁଣିଥିବେ ମଧ୍ୟ । ଉପାନ୍ତ ଅଞ୍ଚଳର ଲୋକଙ୍କ ପାଇଁ ସୁରକ୍ଷିତ ଗମନାଗମନର କଥା କହୁଥିବା&nbsp; ସରକାରୀ କଳ ଯେ, କେତେ ଦାୟିତ୍ୱହୀନ ତାହା ଆପଣ ଜାଣିପାରିବେ ଯଦି ମାଲକାନ୍&zwnj;ଗିରୀ ଜିଲା ଚିତ୍ରକୋଣ୍ଡା ଅଞ୍ଚଳକୁ ଯିବେ। ଏଠି ନଈ ଉପରେ ପୋଲଟିଏ ନାହିଁ । ଡଙ୍ଗାକୁ ଭରସି ରହିଛନ୍ତି ଲୋକେ । ହେଲେ ଡଙ୍ଗା ଚଳାଚଳରେ ବି ଏଠି ଅବ୍ୟବସ୍ଥା ଦେଖିବାକୁ ମିଳିଛି ।</p> <p>ମାଲକାନଗିରି ଜିଲ୍ଲା ଚିତ୍ରକୋଣ୍ଡା ନିକଟ ଦୋରାଘାଟରେ ସିଲେରୁ ନଈର ଏ କୂଳରୁ ସେ କୂଳକୁ ବନ୍ଧା ହୋଇଛି ଦଉଡି । ସ୍ଥାନୀୟ ଲୋକେ ଡଙ୍ଗାକୁ ଭରସି ରହିଥିବା ବେଳେ ଡଙ୍ଗା ଚାଲୁଛି ଏହି ଦଉଡିର ଭରସାରେ। ନା କାତରେ ଚାଲୁଛି ନା ମୋଟର । ଡଙ୍ଗା ଚାଲୁଛି ଦଉଡ଼ି&nbsp; ସାହାଯ୍ୟରେ । ଶୁଣିଲେ ଆଶ୍ଚର୍ଯ୍ୟ ଲାଗୁଥିଲେ ବି କଥାଟି ସତ । ଏହି ଡଙ୍ଗା ଚାଲିବାର ଚିତ୍ର ଦେଖିବାକୁ&nbsp; ଯେତିକି ରୋମାଞ୍ଚିତ ଲାଗୁଛି, ସେତିକି ବିପଦପୂର୍ଣ୍ଣ ମଧ୍ୟ। ଦଉଡ଼ି ଭରସାରେ ପାଣିର ସୁଅ&nbsp; କାଟି ଡଙ୍ଗାରେ ନଦୀ ପାରି ହେଉଛନ୍ତି ଲୋକେ । ସାଇକେଲଠୁ ବାଇକ୍, ପିଲାଙ୍କଠୁ ବୟସ୍କ&nbsp; ସମସ୍ତଙ୍କ ପାଇଁ ସିଲେରୁ ନଦୀ ଉପରେ ଲାଇଫ୍ଲାଇନ୍ ସାଜିଛି ଏହି ଦଉଡ଼ି ଡଙ୍ଗା ।</p> <p>ସୂଚନାଯୋଗ୍ୟ, ଆଇଟିଡିଏ ଜରିଆରେ ସରକାରଙ୍କ ପକ୍ଷରୁ ଗତ ୨ ବର୍ଷ ତଳେ ଦୋରାଘାଟରେ&nbsp; ଏହି ମୋଟର ଚାଳିତ ଡଙ୍ଗାର ଶୁଭାରମ୍ଭ ହୋଇଥିଲା। ୨ଟି ପଞ୍ଚାୟତର ୨୫ରୁ ୩୦ &nbsp;ଗାଁର ଲୋକଙ୍କ ଗମନାଗମନକୁ ଦୃଷ୍ଟିରେ ରଖି ଏହି ଡଙ୍ଗା ସେବା ଆରମ୍ଭ ହୋଇଥିଲା। ଆରମ୍ଭରୁ ଅବଶ୍ୟ ସବୁ ଠିକ୍ ଠାକ୍ ଚାଲିଥିଲା। ତେବେ ଗତ ପ୍ରାୟ ୪ରୁ ୬ ମାସ ହେଲାଣି, ରକ୍ଷଣାବେକ୍ଷଣ ଅଭାବରୁ ଅଚଳ ହୋଇପଡ଼ିଛି ମୋଟର। ପଞ୍ଚାୟତ ପକ୍ଷରୁ ଏହାର&nbsp; ମରାମତି କରାଯିବା କଥା । କିନ୍ତୁ କେହି ଗୁରୁତ୍ୱ ଦେଉନାହାଁନ୍ତି। ଡଙ୍ଗା ଚାଳକ, ସ୍ଥାନୀୟ&nbsp; ପ୍ରଶାସନ ସହ ଜିଲ୍ଲାପାଳଙ୍କ ଯାଏଁ ଆପତ୍ତି ବି ଜଣାଇଛନ୍ତି । ଅଥଚ ସମସ୍ତେ ନୀରବ।&nbsp; ସେପଟେ ପଞ୍ଚାୟତ ଉପରେ ସବୁ ଦୋଷକୁ ଲଦି ହାତ ଟେକିଦେଇଛନ୍ତି ଆଇଟିଡିଏ&nbsp; କର୍ତ୍ତୃପକ୍ଷ।</p>