ଖେଳୁଥିବା ବେଳେ ଖାଲରେ ବୁଡ଼ିଗଲେ ଦୁଇ ଶିଶୁ

ସମ୍ବଲପୁର(ସଞ୍ଜୟ ଜେନା): ଘର ପଛପଟ ଖାଲରେ ପଡ଼ି ୨ ଶିଶୁକନ୍ୟାଙ୍କ ମୃତ୍ୟୁ ଘଟିଛି। ସମ୍ୱଲପୁର ଜିଲ୍ଲା ଗୋଶାଳା ଫାଣ୍ଡି କଲପଡ଼ା ଗାଁରେ ଘଟିଛି ଏପରି ଦୁଃଖଦ ଘଟଣା। ନୂଆ ଘର ତିଆରି ବେଳେ ପାଣି ରଖିବା ପାଇଁ ଖୋଳାଯାଇଥିଲା ଏହି ଖାଲ।

ଆଜି ମଧ୍ୟାହ୍ନରେ ଇଚ୍ଛା ଓ ଦିଶା ଛତ୍ରିଆ ଘର ପଛ ପାର୍ଶ୍ୱରେ ଖେଳୁଥିଲେ। ପରେ ସେମାନେ ନିଖୋଜ ହୋଇଯାଇଥିଲେ। ପରିବାର ଲୋକେ ଚାରିଆଡ଼େ ଖୋଜିଥିଲେ। ହେଲେ ଦୁଇ ଛୁଆଙ୍କୁ ପାଇନଥିଲେ। ଦୁର୍ଘଟଣା ଘଟିବାର ପ୍ରାୟ ଘଣ୍ଟାଏ ପରେ ଜଣେ ପିଲାର ମୃତଦେହ ଘର ପାର୍ଶ୍ୱ ଖାଲରେ ଭାସୁଥିବା ଦେଖିବାକୁ ମିଳିଥିଲା। ପରେ ପରିବାର ଲୋକ ଖାଲରେ ଖୋଜିବାରୁ ଭିତରୁ ଆଉ ଗୋଟିଏ ମୃତଦେହ ମିଳିଥିଲା। ସେମାନଙ୍କ ବୟସ ୩ ବର୍ଷ ଲେଖାଏଁ ହେବ। ମୃତଦେହ ଉଦ୍ଧାର କରି ଗୋଶାଳା ପୁଲିସ ତନାଘନା ଆରମ୍ଭ କରିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।