ଭୁବନେଶ୍ୱରରୁ ହଜିଥିଲେ, ଭଦ୍ରକରୁ ମିଳିଲେ

ଭୁବନେଶ୍ୱର (ଓଡ଼ିଶା ରିପୋର୍ଟର): ଦୀର୍ଘ ୯ଦିନ ପରେ ଉଦ୍ଧାର ହେଲେ ଭୁବନେଶ୍ୱରରୁ ନିଖୋଜ ହୋଇଥିଲା ଦୁଇ ଆଦିବାସୀ ନାବାଳକ ଓ ନାବାଳିକା। ଉଭୟଙ୍କୁ ଭଦ୍ରକର ଏକ ଚାଇଲ୍ଡ ଲାଇନରୁ ଉଦ୍ଧାର କରାଯାଇଛି। ଗତ ୧୬ ତାରିଖରେ ସେମାନଙ୍କୁ ଉଦ୍ରକ ରେଳଷ୍ଟେସନ ପାଖରୁ ଉଦ୍ଧାର କରାଯାଇଥିବା ସିଡବ୍ଲ୍ୟୁସିର ଅଧିକାରୀ କହିଛନ୍ତି। ଦୁଇ ନାବାଳକ ଓ ନାବାଳିକା କେମିତି ଉଦ୍ରକ ଗଲେ ସେନେଇ ଖୋଳତାଡ ଆରମ୍ଭ ହୋଇଛି। ଉଭୟ କାହା ସାହାଯ୍ୟରେ ଯାଇଥିଲେ ନା ଏକୁଆଟିଆ ଯାଇଥିଲେ ସେସବୁର ଖୋଳତାଡ ଆରମ୍ଭ ହୋଇଛି। ପିଲାଙ୍କ ସମ୍ପର୍କରେ ଜାଣିବା ପରେ ପରିବାର ଲୋକଙ୍କ ମଧ୍ୟରେ ନାହିଁ ନଥିବା ଖୁସି ଦେଖାଦେଇଛି।

ଗତ ୧୬ ତାରିଖରେ ଭୁବନେଶ୍ୱର ଇନଫୋସିଟି ଥାନା ଅନ୍ତର୍ଗତ ଚିରଗିଲଟୋଲା ବସ୍ତିର ଦୁଇ ନାବାଳକ ଓ ନବାଳିକା ପାଖ ଷ୍ଟାଡିୟମକୁ ଖେଳିବାକୁ ଯାଇଥିଲେ। ଏହାପରେ ଆଉ ସେମାନେ ଘରକୁ ଫେରିନଥିଲେ। ଘଟଣା ନେଇ ଦୁଇ ପରିବାର ଇନଫୋସିଟି ଥାନାରେ ଅଭିଯୋଗ କରିଥିଲେ। ପୋଲିସ ମାମଲା ରୁଜୁ କରି ଘଟଣାର ତଦନ୍ତ କରୁଥିଲା।