ଭବାନୀପାଟଣା (ରାଜ କୁମାର ସିଂହଦେଓ): ଜଣେ ସଂପର୍କୀୟଙ୍କୁ ଷ୍ଟେସନ୍ରେ ଛାଡ଼ି ଫେରୁଥିବା ବେଳେ ବସ୍ ପିଟି ଦେବାରୁ ଦୁଇ ଜଣ ଯୁବକଙ୍କ ମୃତ୍ୟୁ ଘଟିଛି। କଳାହାଣ୍ଡି ଜିଲ୍ଲା କେସିଙ୍ଗା ଥାନା ଚିଚରଲା ଗାଁ ନିକଟରେ ଘଟିଛି ଏହି ଦୁଃଖଦ ଦୁର୍ଘଟଣା।
ମୃତକ ଦ୍ୱୟ ହେଲେ ଯଶୋବନ୍ତ ନିଆଲ ଓ ଚୈତନ୍ୟ ଶିଖା। ସେମାନଙ୍କ ଘର ବେଲାମାଲ ଗାଁରେ ବୋଲି ଜଣାପଡ଼ିଛି।
ମିଳିଥିବା ସୂଚନାରେ ଗତକାଲି ବିଳମ୍ବିତ ରାତିରେ ସେମାନେ ଜଣେ ସଂପର୍କୀୟଙ୍କୁ କେସିଙ୍ଗା ଷ୍ଟେସନ୍ ଛାଡ଼ିବାକୁ ଯାଇଥିଲେ। ସେଠାରୁ ବାଇକ୍ରେ ଘରକୁ ଫେରୁଥିବା ବେଳେ ଦିଲ୍ଖୁସ୍ ନାମକ ଏକ ଘରୋଇ ବସ୍ ସେମାନଙ୍କୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ସେମାନଙ୍କ ମୃତ୍ୟୁ ଘଟିଥିଲା।
ସ୍ଥାନୀୟ ଲୋକେ ଏ ନେଇ କେସିଙ୍ଗା ପୁଲିସ୍କୁ ଖବର ଦେଇଥିଲେ। ପୁଲିସ୍ ଶବ ଦୁଇଟିକୁ ଜବତ କରିଛି। ଏହା ସହିତ ଦୁର୍ଘଟଣା ଘଟାଇଥିବା ବସ୍କୁ ଜବତ କରି ଡ୍ରାଇଭରକୁ ଅଟକ ରଖିଛି ଓ ଘଟଣାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
