ଟ୍ରକ୍‌ ଧକ୍କାରେ ଦୁଇ ବାଇକ୍‌ ଆରୋହୀ ମୃତ

ବଲାଙ୍ଗିର (ଘଟେଶ୍ୱର ମିଶ୍ର): ପିଟି ଦେଲା ଟ୍ରକ୍‌। ଚାଲିଗଲା ଦୁଇ ଜୀବନ। ଏହି ଦୁଃଖଦ ଘଟଣା ଘଟିଛି ବଲାଙ୍ଗିର ଜିଲ୍ଲା ସତ୍ୟନାରାୟଣ ପଡ଼ା ଲକ୍ଷ୍ମୀଜୋର ପୋଲ ଉପରେ।

ମୃତକ ଦ୍ୱୟ ହେଲେ ତ୍ରିଲୋଚନ ସାଏ ଓ ଗୌରହରି ପୁଟେଲ। ତ୍ରିଲୋଚନଙ୍କ ଘର ବଲାଙ୍ଗିର ସହରର ଚିମନୀଭାଟି ପଡ଼ାର ହୋଇଥିବା ଗୌରହରି ଥିଲେ ସିନ୍ଦୁରବାହାଲ ଗାଁର ବାସିନ୍ଦା।

ଉଭୟ ବାଇକ୍‌ରେ ଟାଉନ୍‌ ଭିତରୁ ସମ୍ବଲପୁର ରାସ୍ତାରେ ଯାଉଥିବା ବେଳେ ଟ୍ରକ୍‌ଟି ସେମାନଙ୍କୁ ସାମ୍ନାରୁ ଧକ୍କା ଦେଇଥିଲା। ଗୁରୁତର ଅବସ୍ଥାରେ ସେମାନଙ୍କୁ ବଲାଙ୍ଗିର ସ୍ଥିତ ଭୀମଭୋଇ ମେଡିକାଲ କଲେଜ ଓ ହସ୍‌ପିଟାଲ୍‌ରେ ଭର୍ତ୍ତି କରାଯାଇଥିଲା। କିନ୍ତୁ ସେଠାରେ ଚିକିତ୍ସାଧୀନ ଅବସ୍ଥାରେ ସେମାନଙ୍କ ମୃତ୍ୟୁ ଘଟିଥିଲା।

ଟାଉନ୍‌ ଥାନା ପୁଲିସ୍‌ ଟ୍ରକ୍‌ଟିକୁ ଜବତ କରିବା ସହିତ ଡ୍ରାଇଭରଙ୍କୁ ଅଟକ ରଖି ଘଟଣାର ତଦନ୍ତ କରୁଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।