ଦୁଇ ଜଣଙ୍କ ଉପରେ ମାଡ଼ିଗଲା ଟ୍ରେନ୍‌

ଝାରସୁଗୁଡ଼ା (ଭାଗୀରଥି ସାହୁ): ଝାରସୁଗୁଡ଼ା ଜିଲ୍ଲା ବେଲପାହାଡ଼ ରେଳ ଷ୍ଟେସନ୍‌ ନିକଟ ନୂଆପଡ଼ା ଠାରେ ରେଳ ଲାଇନ୍‌ରେ ଏକ ଦୁର୍ଘଟଣା ଘଟିଛି। ହାୱଡ଼ା-ଅହମ୍ମଦାବାଦ ଏକ୍ସପ୍ରେସ୍‌ରେ କଟି ଦୁଇ ଜଣଙ୍କ ମୃତ୍ୟୁ ଘଟିଛି। ମୃତକ ଦ୍ୱୟ ହେଲେ ନିଖିଲ (୫) ଓ ଦେବୀ ଗୁପ୍ତା(୪୫)।

ସୂଚନା ଅନୁସାରେ, ନିଖିଲ ଅସାବଧାନତା ସହ ରେଳ ଧାରଣା ନିକଟକୁ ଚାଲିଯାଇଥିଲେ। ତାଙ୍କ ସଂପର୍କୀୟା ଦେବୀ ଗୁପ୍ତା ତାଙ୍କୁ ଆଣିବାକୁ ଯାଇଥିବା ବେଳେ ହଠାତ୍ ଟ୍ରେନ୍‌ ଆସିଯାଇଥିଲା ଓ ଉଭୟଙ୍କୁ ଧକ୍କା ଦେଇଥିଲା।

ନିଖିଲ ତାଙ୍କ ପରିବାର ସହ ବ୍ରଜରାଜନଗରରେ ରହନ୍ତି। ସେ ଏକ ଏକୋଇଶା ଉତ୍ସବରେ ଯୋଗ ଦେବା ପାଇଁ ଦେବୀ ଗୁପ୍ତାଙ୍କ ଘରକୁ ତାଙ୍କ ବାପାମା’ଙ୍କ ସହିତ ନୂଆପଡ଼ାକୁ ଯାଇଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।