ମାଲକାନଗିରି( ଜିତେନ୍ଦ୍ର ବେଉରା): ପୁଲିସକୁ ମିଳିଲା ବଡ ସଫଳତା। ଏନ୍କାଉଣ୍ଟରରେ ଟଳିଲେ ଦୁଇ ହାର୍ଡକୋର ମହିଳା ମାଓବାଦୀ। ମାଲକାନଗିରି ସୀମାନ୍ତ ଛତିଶଗଡ଼ରେ ପୁଲିସ-ମାଓବାଦୀ ଗୁଳି ବିନିମୟ ହୋଇଛି। ଏହି ଏନ୍କାଉଣ୍ଟରରେ ଦୁଇ ମହିଳା ମାଓବାଦୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି।
ସୂଚନା ମୁତାବକ, ଛତିଶଗଡ଼ର ଦନ୍ତେୱାଡାରେ ସର୍ଚ୍ଚ ଅପରେସନ ବେଳେ ଗୁଳି ବିନିମୟ ହୋଇଛି। କଟେକଲ୍ୟାଣ ଜଙ୍ଗଲରେ ୫୦ରୁ ଅଧିକ ମାଓବାଦୀ ଏକ କ୍ୟାମ୍ପ କରି ପୁଲିସକୁ ଟାର୍ଗେଟ କରିବାକୁ ଏକ ବଡ଼ ଯୋଜନା କରୁଥିଲା ମାଓ ସଙ୍ଗଠନ। ମାଓ କ୍ୟାମ୍ପ ଚାଲିଥିବା ଖବର ପାଇ ସୁରକ୍ଷାକର୍ମୀ ଚଢ଼ାଉ କରିଥିଲେ। ପରେ ଉଭୟ ପଟୁ ଗୁଳି ବିନିମୟ ହୋଇଥିଲା। ପୁଲିସ ଗୁଳିରେ ଦୁଇ ମାଓବାଦୀଙ୍କ ମୃତ୍ୟୁ ହୋଇଥିଲା।
ଘଟଣା ସ୍ଥଳରୁ ୩ଟି ବନ୍ଧୁକ ସହ କିଛି ଗୁଳି ଓ ବିପୁଳ ପରିମାଣର ମାଓ ବିସ୍ପୋରକ ସାମଗ୍ରୀ ଜବତ କରିଛି ପୁଲିସ। ଏଥିସହ କିଛି ମାଗାଜିନ୍ ମଧ୍ୟ ମିଳିଛି। STF, DRG ଏବଂ CRPF ଜବାନଙ୍କ ମିଳିତ ଅପରେସନ ବେଳେ ଏହି ସଫଳତା ମିଳିଛି।