ଉମରକୋଟ(କାର୍ତ୍ତିକ ମଲ୍ଲିକ): ଡ୍ରାଇଭିଂ ଲାଇସେନ୍ସ କରିବା ପାଇଁ ଛତିଶଗଡ଼ ରାଜ୍ୟର ଗରିଆବନ୍ଦକୁ ଯାଇଥିଲେ। ସେଠାରୁ ଘରକୁ ଫେରିବା ବେଳେ ଭାରସାମ୍ୟ ହରାଇ ଓଲଟିଲା ବୋଲେରୋ। ଫଳରେ ଦୁଇ ଜଣଙ୍କ ମୃତ୍ୟୁ ଘଟିଥିବା ବେଳେ ୬ ଜଣ ଗୁରୁତର ଆହତ ହୋଇଛନ୍ତି। ଆଜି ଏପରି ମର୍ମନ୍ତୁଦ ସଡ଼କ ଦୁର୍ଘଟଣା ଛତିଶଗଡ଼ ମେନପୁର ନିକଟରେ ଘଟିଛି।
ଉମରକୋଟ ବ୍ଲକ୍ କେରିପଦର ଗାଁର ୧୦ ଜଣ ବ୍ୟକ୍ତି ଏକ ବୋଲେରୋରେ ପଡ଼ୋଶୀ ରାଜ୍ୟ ଛତିଶଗଡ଼ର ଗରିଆବନ୍ଦ ସହରକୁ ଡ୍ରାଇଭିଂ ଲାଇସେନ୍ସ କରିବାକୁ ଯାଇଥିଲେ। ଅପରାହ୍ନରେ ଆବେଦନ କରି ଘରକୁ ଫେରୁଥିଲେ। ତେବେ ମେନପୁର ନିକଟ ଜାତୀୟ ରାଜପଥରେ ଗାଡିଟି ଭାରସାମ୍ୟ ହରାଇ ଓଲଟି ପଡ଼ିଥିଲା। ଫଳରେ ଘଟଣା ସ୍ଥଳରେ ଝରିଗାଁ ବ୍ଲକ୍ ପଦମଝରି ଗାଁର ବୋଲେରୋ ଡ୍ରାଇଭର ନିରଞ୍ଜନ ପାତ୍ରଙ୍କ ମୃତ୍ୟୁ ହୋଇଥିଲା। ସ୍ଥାନୀୟ ଲୋକେ ଆହତଙ୍କୁ ମେନପୁର ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଉମରକୋଟ ବ୍ଲକ କେରିପଦର ଗାଁର ଚରଣ ଗୌଡଙ୍କ ମୃତ୍ୟୁ ଘଟିଥିଲା। ଅନ୍ୟ ଆହତମାନେ ଚିକିତ୍ସା ପରେ ଘରକୁ ଫେରୁଥିବା ଜଣାପଡିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
