ଦୁଷ୍କର୍ମକାରୀକୁ ୨୦ବର୍ଷ ଜେଲ

କେନ୍ଦ୍ରାପଡ଼ା(ପ୍ରଭାତ କୁମାର ପରିଡ଼ା): କେନ୍ଦ୍ରାପଡ଼ା ଜିଲ୍ଲା ଦୌରା ଜଜଙ୍କ ଐତିହାସିକ ରାୟ। ମହିଳାଙ୍କ ସହ ଗଣ ଦୁଷ୍କର୍ମ ମାମଲାରେ ଦୁଇ ଦୋଷୀଙ୍କୁ ୨୦ ବର୍ଷ ଲେଖାଏଁ ଜେଲ ଦଣ୍ଡାଦେଶ ଶୁଣାଇଛନ୍ତି। ଅନ୍ୟ ଏକ ଦୋଷୀକୁ ୧୦ ବର୍ଷ ଜେଲ୍ ଦଣ୍ଡାଦେଶ ଶୁଣାଇଛନ୍ତି। ଏହାସହ ୫ ହଜାର ଟଙ୍କା ଜୋରିମାନା ମଧ୍ୟ ଶୁଣାଇଛନ୍ତି ଅଦାଲତ। ଏହି ଅର୍ଥ ପୈଠ ନ କରିପାରିଲେ ଆଉ ୩ ମାସ ଜେଲ ଭୋଗିବାକୁ ପଡ଼ିବ ବୋଲି କୋର୍ଟ ନିର୍ଦ୍ଦେଶ ଦେଇଛନ୍ତି। ମାମଲାର ଶୁଣାଣି କରି ଅଶୋକ ଜେନା, ବାବୁଲି ଜେନା ଏବଂ ପରେଶ ମଲ୍ଲିକଙ୍କୁ ଦୋଷୀ ସାବ୍ୟସ୍ତ କରିଛନ୍ତି କୋର୍ଟ।

୨୦୧୩ ମସିହା ଅଗଷ୍ଟ ୧୩ ତାରିଖରେ କେନ୍ଦ୍ରାପଡ଼ା ଜିଲ୍ଲା ଆଳି ଥାନା ଅନ୍ତର୍ଗତ ମଧୁବନ ଗାଁରେ ଅଞ୍ଚଳର ଜଣକ ଘରେ ଡକାୟତି ହୋଇଥିଲା। ଡକାୟତିରେ ସଂପୃକ୍ତ ଏହି ତିନି ଜଣ ଜଣେ ମହିଳାଙ୍କୁ ଗଣ ଦୁଷ୍କର୍ମ କରିଥିଲେ।