ଖୋର୍ଦ୍ଧା(ଓଡ଼ିଶା ରିପୋର୍ଟର ): ବଢ଼ୁଛି ଅରାଜକତା। ସୀମା ଲଂଘିଲେ ଦୁର୍ବୃତ୍ତ। ପ୍ରଥମେ ଅସଦାଚରଣ କଲେ। ଆଉ ଅଭିଯୋଗ କରିବାକୁ ଗଲା ବେଳେ ଅମାନୁଷିକ ଭାବେ ମାଡ଼ ମାରିଲେ। ଦୁଇ ଭଉଣୀଙ୍କୁ ଗାଁ ଦାଣ୍ଡରେ ହୋଇଛି ମାଡ଼ ।
ଖୋର୍ଦ୍ଧା ଜିଲ୍ଲା ବୋଲଗଡ ଥାନା ହରିପୁର ଶାସନରେ ଘଟଛି ଏଭଳି ଘଟଣା। ଏପରିକି ପୀଡିତାଙ୍କ ଅନୁପସ୍ଥିତିରେ ତାଙ୍କ ଘରେ ପଶି ଘର ଭଙ୍ଗାରୁଜା କରିଥିବା ଅଭିଯୋଗ ହୋଇଛି। ଜୀବନ ପ୍ରତି ବିପଦ ଥିବାରୁ ଥିବାରୁ ପୀଡିତାଙ୍କ ପରିବାର ୩ଦିନ ହେବ ଗାଁ ନ ଯାଇ ଏଣେ ତେଣେ ବୁଲୁଛନ୍ତି। ଅନ୍ୟପଟେ ଘଟଣାଟି ଜୁନ ୨୫ ତାରିଖରେ ଘଟିଥିବା ବେଳେ ଥାନାରେ ଏତଲାପରେ ଅଭିଯୁକ୍ତ ମାନେ ଫେରାର ହୋଇଯାଇ ଥିଲେ ।
ଏ ସଂପର୍କରେ ଖୋର୍ଦ୍ଧା ଏସପିଙ୍କୁ ଭେଟି ଅଭିଯୋଗ କରିବା ସହ ଘଟଣାର ଅନୁସନ୍ଧାନ କରିବାକୁ ପୀଡ଼ିତାଙ୍କ ପରିବାର ଦାବି କରିଛନ୍ତି। ସେପଟେ ଅଭିଯୁକ୍ତଙ୍କ ପକ୍ଷରୁ ମଧ୍ୟ ଅନ୍ୟଏକ ମାମଲା ରୁଜୁ ହୋଇଛି। ଘଟଣାର ଅନୁସନ୍ଧାନ ହେବ ବୋଲି କହିଛନ୍ତି ଏସପି ।