ବାଲିଗୁଡ଼ା (ଅଜିତ ନାୟକ): ବାଇକ ଉପରେ ଚଢ଼ିଗଲା ସ୍କୋର୍ପିଓ। ଘଟଣା ସ୍ଥଳରେ ଚାଲିଗଲା ବାଇକ ଚାଳକ ଓ ତାଙ୍କ ସାଥୀଙ୍କ ଜୀବନ। ଆଜି ଏପରି ମର୍ମନ୍ତୁଦ ସଡ଼କ ଦୁର୍ଘଟଣା କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ଥାନା ଡଙ୍ଗେରି ଛକ ୫୯ ନମ୍ବର ଜାତୀୟ ରାଜପଥରେ। ମୃତକ ଦୁଇ ଯୁବକ ହେଲେ କିଡ୍ରାମାଲା ଗାଁର ପ୍ରକାଶ ପ୍ରଧାନ ଓ ମିଲୁ ପ୍ରଧାନ।
ପ୍ରକାଶ ପ୍ରଧାନ ଓ ମିଲୁ ପ୍ରଧାନ କୌଣସି କାମରେ ବାଇକ୍ରେ ପଟାଙ୍ଗି ଯାଇଥିଲେ। ସେଠାରୁ କାମ ସାରି ଘରକୁ ଫେରୁଥିବା ବେଳେ ୫୯ ନମ୍ବର ଜାତୀୟ ରାଜପଥର ଡଙ୍ଗେରି ଛକରେ ବିପରୀତ ଦିଗରୁ ଆସୁଥିବା ଗୋଟିଏ ସ୍କୋର୍ପିଓ ସେମାନଙ୍କ ବାଇକ୍ ଉପରେ ଚଢ଼ି ଯାଇଥିଲା। ଘଟଣା ସ୍ଥଳରେ ଦୁଇ ଜଣଙ୍କର ମୃତ୍ୟୁ ହୋଇଥିଲା। ଦୁର୍ଘଟଣା ପରେ ସ୍କର୍ପିଓ ଗାଡି ଚାଳକ ଜଣକ ବାଲିଗୁଡା ଅଭିମୁଖେ ଦୃତ ଗତିରେ ପଳାଇ ଯାଇଥିଲା। ଖବର ପାଇ କ.ନୂଆଗାଁ ପୁଲିସ ସମ୍ପୃକ୍ତ ଗାଡିକୁ ଜବତ କରିବା ସହ ଚାଳକକୁ ଅଟକ ରଖିଛି। ଅନ୍ୟପକ୍ଷରେ ଦାରିଙ୍ଗବାଡି ଥାନା ପୁଲିସ ଘଟଣା ସ୍ଥଳରେ ପହଞ୍ଚି ମୃତ୍ୟୁଦେହକୁ ଜବତ କରି ଅଧିକ ତଦନ୍ତ ଚଳାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
