କଟକ (ଓଡ଼ିଶା ରିପୋର୍ଟର): ଗଛ ଉପରେ ବସିଛନ୍ତି ଜଣେ ମହିଳା। ଯେତେ ଅନୁରୋଧ କଲେ ମଧ୍ୟ ସେ ତଳକୁ ଓହ୍ଲାଇବା ପାଇଁ ରାଜି ହେଉନାହାନ୍ତି। ଆଜି ସନ୍ଧ୍ୟା ବେଳେ ଏପରି ଚିତ୍ର କଟକ ରାଜେନ୍ଦ୍ର ନଗରରେ ଦେଖିବାକକୁ ମିଳିଛି। ଖବର ପାଇ ସେଠାରେ ପୁଲିସ୍, ଅଗ୍ନିଶମ ବାହିନୀ ଓ ଓଡ୍ରାଫ୍ ଟିମ୍ ପହଞ୍ଚିଛନ୍ତି।
ଆଜି ଦିନ ପ୍ରାୟ ଦୁଇଟାରୁ ଅଢ଼େଇଟା ହେବ। ଜଣେ ମହିଳା ଫାଶି ଗଛରେ ଚଢ଼ୁଥିଲେ। ଏହା ଦେଖି ସ୍ଥାନୀୟ ମହିଳାମାନେ ତାଙ୍କୁ ବିରୋଧ କରିଥିଲେ। ମାତ୍ର ସେ କାହା କଥା ଶୁଣି ନଥିଲା। ଗଛ ଉପରେ ଚଢ଼ି ଯାଇଥିଲେ। ବର୍ତ୍ତମାନ ମହିଳା ଜଣକ ୫୦ ଫୁଟ୍ ଉପରେ ବସିଛି। ଡାକିଲେ ମଧ୍ୟ ସେ ତଳକୁ ଓହ୍ଲାଉନଥିଲା। ଏହି ଖବର ପ୍ରଚାରିତ ହେବା ପରେ ସେଠାରେ ସ୍ଥାନୀୟ ଲୋକଙ୍କ ଭିଡ଼ ପରିଲକ୍ଷିତ ହୋଇଛି।
ଲୋକଙ୍କ ଭିଡ ଦେଖି କମିଶନରେଟ୍ ପୁଲିସ୍ ରାଜେନ୍ଦ୍ର ନଗରରେ ପହଞ୍ଚିଥିଲା। ତେବେ ଗଛରୁ ବୃଦ୍ଧା ମହିଳା ଜଣକ ଓହ୍ଲାଉନଥିବାରୁ ଅଗ୍ନିଶମ ଓ ଓଡ୍ରାଫ୍ ଟିମ୍ ସେଠାରେ ପହଞ୍ଚିଥିଲେ। ଅଗ୍ନିଶମ କର୍ମଚାରୀମାନେ ଶିଡି ପକାଇ ଗଛକୁ ଚଢ଼ିଲା ବେଳକୁ ମହିଳା ଜଣକ ଉପରକୁ ଉଠୁଥିବା ଦେଖିବାକୁ ମିଳିଛି। ସେପଟେ ସଞ୍ଜ ହେବାକୁ ଯାଉଛି। ଏପରି ସ୍ଥିତିରେ ମହିଳାଙ୍କୁ ଗଛରୁ ଓହ୍ଲାଇବା ଅଗ୍ନିଶମ ବିଭାଗ ପାଇଁ କାଠିକର ପାଠ ହେବ ବୋଲି ସାଧାରଣରେ ଆଲୋଚନା ହେଉଛି।