କେନ୍ଦ୍ର ସରକାର ପଠାଇଲେ ଆଉ ୧.୮୮ଲକ୍ଷ ଡୋଜ୍ କୋଭିଶିଲଡ୍‌

ଭୁବନେଶ୍ୱର(ଓଡ଼ିଶା ରିପୋର୍ଟର): କେନ୍ଦ୍ର ସରକାରଙ୍କଠୁ ଆଉ ୧ଲକ୍ଷ ୮୮ହଜାର ୦୧୦ଟି ଡୋଜ୍ କୋଭିଶିଲଡ୍ ଟିକା ଆଜି ଓଡ଼ିଶା ପାଇଛି। କେନ୍ଦ୍ର ସରକାରଙ୍କଠୁ ମାଗଣାରେ ରାଜ୍ୟଗୁଡ଼ିକୁ ମିଳୁଥିବା କୋଭିଡ୍ ଟିକା ଅନ୍ତର୍ଗତ ଆଜି ସନ୍ଧ୍ୟାରେ ଏହି ଟିକା ଆସି ପହଂଚିଛି।

ଆସନ୍ତାକାଲି ରବିବାର ଭୁବନେଶ୍ୱରର ୫ଟି ଟିକାକରଣ କେନ୍ଦ୍ରରେ ଟିକା ଦାନର ବ୍ୟବସ୍ଥା ହୋଇଥିବାବେଳେ ୧୮୧ଟି ସ୍ଥାନରେ ଟିକାକରଣ କରାଯିବ। ତେବେ ସୋମବାର ବରଗଡ଼, ଢେଙ୍କାନାଳ, ଗଞ୍ଜାମ, ଜଗତସିଂହପୁର, କେନ୍ଦ୍ରାପଡ଼ା, କୋରାପୁଟ, ମାଲକାନଗିରି ଓ ରାୟଗଡ଼ା ଜିଲ୍ଲାରେ ଟିକାକରଣ ହେବ ନାହିଁ ବୋଲି ରାଜ୍ୟ ସ୍ୱାସ୍ଥ୍ୟ ବିଭାଗ ସୂତ୍ରରୁ ସୂଚନା ମିଳିଛି।

ସୂଚନାଯୋଗ୍ୟ, କେନ୍ଦ୍ର ସରକାର ଚଳିତମାସ ଶେଷସୁଦ୍ଧା ରାଜ୍ୟଗୁଡ଼ିକୁ ମାଗଣାରେ ଆଉ ୧.୯୨କୋଟି କୋଭିଶିଲଡ୍ ଓ କୋଭାକ୍ସିନ ଟିକା ଯୋଗାଣ କରିବେ ବୋଲି ଗତକାଲି ସୂଚନା ଦେଇଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।