ରାୟଗଡ଼ା(ମନୋଜ ପାତ୍ର): ରାୟଗଡ଼ା ସହର ମଧ୍ୟରେ ଥିବା ଓଭରବ୍ରିଜ୍ ନିକଟରେ ଶୋଇଥିବା ଦୁଇ ଜଣ ବାଳକଙ୍କ ଉପରକୁ ଏକ ଅଜଣା ଗାଡ଼ି ମାଡି ଯିବାରୁ ସେମାନେ ଗୁରୁତର ହୋଇଛନ୍ତି। ଆହତଦ୍ୱୟ ହେଲେ ଅର୍ଜୁନ ଶବର(୧୨) ଓ ଶେଖର ଶବର (୧୪)। ସେମାନଙ୍କ ଘର ବଲାଙ୍ଗିର ଜିଲ୍ଲା ପାଟଣାଗଡ଼ରେ। ସେମାନେ ଏଠାରେ ତାଙ୍କ ପରିବାର ସହ ଆସି ରଥଯାତ୍ରା ସମୟରେ ବୁଲିବିକି ନିଜର ପରିବାର ପ୍ରତିପୋଷଣ କରିଥାନ୍ତି।
ଗତକାଲି ରାତିରେ ଅର୍ଜୁନ ଓ ଶେଖରଙ୍କ ପରିବାରର ୫ ଜଣ ଓଭରବ୍ରିଜ୍ ନିକଟରେ ଶୋଇଥିଲେ। ଏହି ମସୟରେ ଏକ ଅଜଣା ଗାଡ଼ି ଅର୍ଜୁନ ଓ ଶେଖରଙ୍କ ଗୋଡ ଉପରେ ଚଢ଼ି ଯାଇଥିଲା। ଗୁରୁତର ଅବସ୍ଥାରେ ସେମାନଙ୍କ ପରିବାର ଲୋକେ ରାୟଗଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ଏନେଇ ଡାକ୍ତରଖାନା ପକ୍ଷରୁ ପୁଲିସରେ ଖବର ଦିଆଯାଇଥିବା ଡାକ୍ତର କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।