ମୃତ୍ୟୁ ସତ, ଥିଓରୀ ମିଛ! ଉନ୍ମୟଙ୍କ ଆତ୍ମହତ୍ୟାକୁ ନେଇ ଅସମାହିତ ପ୍ରଶ୍ନ

ଭୁବନେଶ୍ୱର (ଓଡ଼ିଶା ରିପୋର୍ଟର): ଭାଇରାଲ୍‌ ଭିଡ଼ିଓରେ ଥିବା ଯୁବକ ଉନ୍ମୟ ପାଢ଼ୀଙ୍କ ମୃତଦେହ ଭୁବନେଶ୍ୱର କୁଆଖାଇ ନଦୀ ପଠାରୁ ମିଳିଥିଲା। ଘଟଣାର ତଦନ୍ତ ପରେ ପୋଲିସ ସ୍ପଷ୍ଟ କରିଥିଲା, ଉନ୍ମୟଙ୍କୁ ହତ୍ୟା କରାଯାଇ ନାହିଁ। ମାନସିକ ଚାପରେ ସେ ଆତ୍ମହତ୍ୟା କରିଛନ୍ତି। ପୋଲିସର ଏହି ଥିଉରୀକୁ କିନ୍ତୁ ଉନ୍ମୟକଙ୍କ ପରିବାର ଲୋକେ ସହଜରେ ଗ୍ରହଣ କରିପାରୁ ନାହାନ୍ତି। ଏଥିରୁ ସ୍ପଷ୍ଟ ହେଉଛି ମୃତ୍ୟୁ ସତ, ଥିଉରୀ ମିଛ! ତେଣୁ ପୋଲିସର ଏହି ଥିଉରୀକୁ ଉନ୍ମୟଙ୍କ ପରିବାର ଲୋକେ କୋର୍ଟରେ ଜୋରଦାର ଚାଲେଞ୍ଜ କରିବେ।

ଉନ୍ମୟ ପାଢୀ ଆତ୍ମହତ୍ୟା ଘୋଷଣା ପରେ ପରିବାର ଲୋକେ ପୋଲିସର ତଦନ୍ତ ଉପରେ ପ୍ରଶ୍ନ ଉଠାଇଛନ୍ତି। ଘଟଣାରେ   ଏକାଧିକ ଅସମାହିତ ପ୍ରଶ୍ନ  ଯାହା ଆଧାରରରେ ପରିବାର ଲୋକେ ପୋଲିସ ତଦନ୍ତକୁ  କୋର୍ଟରେ ଚାଲେଞ୍ଜ  କରିବେ। ଆସନ୍ତୁ ନଜର ପକାଇବା ଏହା ଉପରେ।

୧: ଯଦି ଉନ୍ମୟ ପାଢୀ ଆତ୍ମହତ୍ୟା କରିବାର ଥିଲା ତେବେ ଘରଠାରୁ ଏତେଦୂରକୁ ଯାଇ ନିଜକୁ ନିଜେ ଛୁରି ମାରିବା ସହ ପେଟ୍ରୋଲ ଢାଲି ଆତ୍ମହତ୍ୟା କରିବେ କାହିଁକି?

୨: ନିଜ ଗାଡିରୁ ପେଟ୍ରୋଲ କେଉଁଥିରେ କାଢିଲେ ଉନ୍ମୟ? ଯଦି ପାତ୍ରରେ କାଢ଼ିଥିଲେ, ତାହାହେଲେ ପାତ୍ର ଗଲା କୁଆଡେ?

 ୩: ହ୍ୟାଣ୍ଡନୋଟରେ ଉନ୍ମୟ ଯୁବତୀ ଓ ତାଙ୍କ ପୁରୁଷବନ୍ଧୁଙ୍କ ସନ୍ଦେହ କରୁଥିଲେ, ସେମାନଙ୍କର କ୍ଷତି ନକରି ନିଜକୁ ନିଜେ ଆତ୍ମହତ୍ୟା କଲେ କାହିଁକି?

୫: ଛୁରିରେ ଉନ୍ମୟଙ୍କ ଫିଙ୍ଗର ପ୍ରିଣ୍ଟ ରହିଛି କି?

୬: ମୁଣ୍ଡରେ ଥିବା ଆଘାତ କେମିତି ହେଲା?

 ୭: ପ୍ରାଥମିକ ତଦନ୍ତ ବେଳେ ହ୍ୟାଣ୍ଡ ନୋଟ ନଥିବା ବେଳେ ହଠାତ ହ୍ୟାଣ୍ଡନୋଟ ଆସିଲା କେଉଁଠୁ?

ମାମଲାକୁ ଫାଇନାଲ ରିପୋର୍ଟ କରି କେଶକୁ କ୍ଲୋଜ କରିବ କମିଶନରେଟ ପୋଲିସ। ଏନେଇ କୋର୍ଟକୁ ଜଣାଯିବ। ତେବେ ପରିବାର ଲୋକେ ତଦନ୍ତଙ୍କୁ ଟାର୍ଗେଟ କରି ରିଓପନ ପାଇଁ ଗଲେ, କୋର୍ଟ ପରବର୍ତ୍ତି ପଦକ୍ଷେପ ନେବେ। ମାମଲାର ରିଓପନ ପାଇଁ ନିର୍ଦେଶ ଦେଲେ ପୁଣିଥରେ ଖୋଲତାଡ ହେବ ବୋଲି ପୋଲିସ କମିଶନର ଯୋଗେଶ ବାହାଦୂର ଖୁରାନିଆ କହିଛନ୍ତି।