ମହାମାରୀ ସମୟରେ ଆଗେଇ ଆସିଲେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ

ଭୁବନେଶ୍ୱର(ଓଡ଼ିଶା ରିପୋର୍ଟର): ମହାମାରୀ କରୋନାର ଦ୍ୱିତୀୟ ଲହରୀ ଉଗ୍ର ରୂପ ଧାରଣ କରିଛି। ପ୍ରତିଦିନ ହଜାର ହଜାର ଲୋକ ଆକ୍ରାନ୍ତ ହେଉଛନ୍ତି। ଏପରି ସମୟରେ ଆଗକୁ ଆସିଛନ୍ତି ଅଭିନେତ୍ରୀ ବର୍ଷା ପ୍ରିୟଦର୍ଶିନୀ। କୋଭିଡ୍‌ ଗାଇଡଲାଇନ୍‌ ଭିତରେ ବର୍ଷା ଅସହାୟ ଓ ଗରିବ ଲୋକଙ୍କୁ ସହାୟତା କରୁଛନ୍ତି।

Varsha Priyadarshini
ଅଭିରାମ ବସ୍ତିର ପିଲାଙ୍କ ସଙ୍ଗେ ବର୍ଷା

କୋଭିଡ୍‌ ସମୟରେ ଭୁବନେଶ୍ୱର ସୁନ୍ଦରପଦାର ଅଭିରାମ ବସ୍ତିବାସିନ୍ଦା ନାନା ଅସୁବିଧାରେ ସମ୍ମୁଖୀନ ହେଉଥିଲେ। ଏ ସମ୍ପର୍କରେ ଖବର ପାଇ ବର୍ଷା ସେମାନଙ୍କୁ ସହାଯ୍ୟ କରିବା ପାଇଁ ଅଭିରାମ ବସ୍ତିରେ ପହଞ୍ଚି ଥିଲେ। ଲୋକଙ୍କ ସମସ୍ୟା ସମ୍ପର୍କରେ ଆଲୋଚନା କରିଥିଲେ। ପରେ ସାହି ଲୋକଙ୍କୁ ଚାଉଳ, ଡାଲି, ଅଟା, ଆଳୁ ଭଳି ଜରୁରୀ କାଳିନ ସାମଗ୍ରୀ ଥିବା ପୁଡିଆ ବାଣ୍ଟିଥିଲେ।

Varsha Priyadarshini
ଗରିବ ଲୋକଙ୍କୁ ସହାୟତା କରୁଛନ୍ତି ବର୍ଷା

ବର୍ଷା ୩୦ରୁ ଊର୍ଦ୍ଧ୍ୱ ପରିବାରକୁ ଖାଦ୍ୟ ପୁଡ଼ିଆ ବାଣ୍ଟିଥିଲେ। ଏପରିକି ପିଲାମାନଙ୍କୁ ବିସ୍କୁଟ ମଧ୍ୟ ବାଣ୍ଟିଥିଲେ। କିଛି ଅସୁବିଧା ହେଲେ ସହାୟତା କରିବେ ବୋଲି ବର୍ଷା ଗଲା ବସ୍ତି ଲୋକଙ୍କୁ ପ୍ରତିଶ୍ରୁତି ଦେଇ ଯାଇଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।