ଚାଲିଗଲେ ବର୍ଷିୟାନ୍ ଅଭିନେତା ଶାନ୍ତି ସ୍ୱରୂପ ମିଶ୍ର

ସମ୍ବଲପୁର(ଓଡ଼ିଶା ରିପୋର୍ଟର): ଓଲିଉଡ୍‌ର ବର୍ଷିୟାନ୍ ଚଳଚ୍ଚିତ୍ର ଅଭିନେତା ଶାନ୍ତି ସ୍ୱରୂପ ମିଶ୍ରଙ୍କ ପରଲୋକ ହୋଇଛି। ସମ୍ବଲପୁରର ଏକ ଘରୋଇ ନର୍ସିଂହୋମରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି। ଗାଧୁଆ ଘରେ ପଡ଼ିଯାଇ ଗୁରୁତର ଆହତ ହୋଇଥିଲେ ଶାନ୍ତି ସ୍ୱରୂପ। ୧୯୭୪ରେ ମନ ଆକାଶ, ୧୯୭୬ କୃଷ୍ଣ ସୁଦାମା ଫିଲ୍ମରେ ଅଭିନୟ କରିଥିଲେ ଶାନ୍ତି ସ୍ୱରୂପ। ନିତାଇ ପାଲିତ୍‌ଙ୍କ ନିର୍ଦ୍ଦେଶନାରେ ଆଇଡିଆଲ ପ୍ରଡକ୍ସନ ଦ୍ୱାରା ନିର୍ମିତ ଓଡ଼ିଆ ଚଳଚ୍ଚିତ୍ର ମନ ଆକାଶ ୧୯୭୪ ମସିହାରେ ମୁକ୍ତିଲାଭ କରିଥିଲା । ନାଟ୍ୟକାର ବସନ୍ତ କୁମାର ମହାପାତ୍ରଙ୍କ ପ୍ରଥମ ନାଟକ ‘ଝରାବଉଳ’ ଅବଲମ୍ବନରେ ଏହା ତିଆରି ହେଇଥିଲା । ସମ୍ବଲପୁରର ରାହସ ବିହରୀ ମିଶ୍ର ଏହାର ପ୍ରଯୋଜନା କରିଥିବା ବେଳେ ତାଙ୍କ ପୁଅ ଶାନ୍ତିସ୍ୱରୂପ ମିଶ୍ର ନାୟକ ଭୂମିକାରେ ଅଭିନୟ କରିଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।