ନିଲମ୍ବିତ ଆଇଆଇସିଙ୍କ ଘରେ ଭିଜିଲାନ୍ସ ରେଡ୍

ଜଳେଶ୍ୱର (ଅଜିତ ଦାସ): ଡ୍ରଗ୍ସ ମାଫିଆ ଲିଙ୍କରେ ବାଲେଶ୍ୱର ଜିଲ୍ଲା ଜଳେଶ୍ୱର ଥାନା IIC ଧନେଶ୍ୱର ସାହୁ କିଛି ଦିନ ପୂର୍ବେ ନିଲମ୍ବିତ ହୋଇଥିବା ବେଳେ ଆଜି ସକାଳେ ତାଙ୍କ ଘରେ ଚାଲିଛି ଭିଜିଲାନ୍ସ ରେଡ୍।

ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ବାଲେଶ୍ୱର ଓ ବାରିପଦା ଭିଜିଲାନ୍ସ ଟିମ୍‌ ମିଳିତ ଭାବେ ଜଳେଶ୍ୱରସ୍ଥିତ ଧନେଶ୍ୱର ସାହୁଙ୍କ ସରକାରୀ କ୍ୱାର୍ଟର୍ସରେ ଚଢ଼ାଉ କରିଛନ୍ତି।

ବାରିପଦା ଭିଜିଲାନ୍ସ ଡିଏସ୍‌ପି ଶରତ କୁମାର ମହାପାତ୍ର ଓ ବାଲେଶ୍ୱର ଆଇଆଇସି ଏଲ୍‌.ଏନ୍‌ ମୁଖିଙ୍କ ନେତୃତୃରେ ଏହି ଚଢ଼ାଉ ଚାଲିଛି। କଟକ, ଭୁବନେଶ୍ୱର, ନରସିଂହପୁର ସମେତ ପ୍ରାୟ ୭ଟି ଜାଗାରେ ଏକକାଳୀନ ଭିଜିଲାନ୍ସ ଏହି ଚଢ଼ାଉ କରିଛି।

ସୂଚନାଯୋଗ୍ୟ, ଡ୍ରଗ୍ସ ମାଫିଆ ଲିଙ୍କରେ ଗତ ଅଗଷ୍ଟ ୧୫ ତାରିଖରେ ଧନେଶ୍ୱର ସାହୁଙ୍କୁ ନିଲମ୍ବନ କରିଥିଲେ ପୁଲିସ୍‌ ଡିଜି। ଏହାପରଠୁ ତାଙ୍କ ପତ୍ତା ମିଳୁନି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।