ବ୍ରହ୍ମପୁର(ଜଗନ୍ନାଥ ସାହୁ): କୋଟିପତି ଯନ୍ତ୍ରୀଙ୍କୁ ଧରିଲା ଭିଜିଲାନ୍ସ। ତାଙ୍କ ନାଁରେ ୬୬ ଲକ୍ଷ ଟଙ୍କାର ବ୍ୟାଙ୍କ ଜମା ରହିଥିବା ବେଳେ ଜଣେ ସମ୍ପର୍କୀୟଙ୍କ ଘରୁ ନଗଦ ୫୯ ଲକ୍ଷ ଟଙ୍କା ଜବତ କରିଛି ଭିଜିଲାନ୍ସ। ଏହି କୋଟିପତି ଯନ୍ତ୍ରୀ ଜଣକ ଗଜପତି ଜିଲ୍ଲା ରାୟଗଡ ବ୍ଲକରେ କାର୍ଯ୍ୟରତ ଅଛନ୍ତି। ତାଙ୍କ ନାଁ ହେଉଛି କେ.ନାଗେଶ୍ୱର ସେନାପତି।
ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଆଜି ପାରଳାଖେମୁଣ୍ଡି ଓ ବ୍ରହ୍ମପୁର ଭିଜିଲାନ୍ସ ମିଳିତ ଟିମ୍ କେ.ନାଗେଶ୍ୱର ସେନାପତିଙ୍କ ଘରେ ଚଢଉ କରିଥିଲା। ଭିଜିଲାନ୍ସ ବିଭାଗର ୬ଟି ଟିମ ପାରଳାଖେମୁଣ୍ଡି ସ୍ଥିତ ଜଗନ୍ନାଥ ବିହାର ଠାରେ କେ.ନାଗେଶ୍ୱର ସେନାପତୀଙ୍କ ବସଭବନ, ବ୍ରହ୍ମପୁର ସ୍ଥିତ ସଳାଘର, ଆସିକା ସ୍ଥିତ ପୈତୃକ ବାସ ଭବନ, ରାୟଗଡ଼ ଅଫିସ ଓ ଛଅମାଇଲଠାରେ ପାର୍ଟନରସିପ୍ରେ ଚାଲିଥିବା ଇଟା ଫ୍ୟାକ୍ଟ୍ରୀରେ ଚଢଉ କରିଥିଲା।
ଭିଜିଲାନ୍ସ ଯନ୍ତ୍ରୀଙ୍କଠାରୁ ୨ କୋଟିରୁ ଅଧିକ ମୂଲ୍ୟର ସମ୍ପତ୍ତି ଠାବ କରିଛି। ଯନ୍ତ୍ରୀଙ୍କ ଜଣେ ସମ୍ପର୍କୀୟଙ୍କ ଘରୁ ନଗଦ ୫୯ ଲକ୍ଷ ଟଙ୍କା ଜବତ ହୋଇଛି। ତାଙ୍କ ନାଁରେ ଥିବା ୬୬ ଲକ୍ଷର ବ୍ୟାଙ୍କ ଜମା ମଧ୍ୟ ଠାବ କରାଯାଇଛି। ଏବେ ମଧ୍ୟ ଚଢଉ ଜାରି ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
