ଶୁଣିଲେନି ସରକାରୀ ବାବୁ: ଦେଶୀ କୌଶଳରେ ପାହାଡ଼ରୁ ପାଣି ଆଣିଲେ ଗ୍ରାମବାସୀ

<p>ବାଲିଗୁଡ଼ା (ଅଜିତ ନାୟକ): ପାଣି ମୁନ୍ଦାଏ ପାଇଁ ଲୋକଙ୍କୁ ନାହିଁ ନ ଥିବା ହଇରାଣ ହେବାକୁ ପଡ଼ୁଥିଲା। ଏନେଇ ପ୍ରଶାସନ ନିକଟରେ ଯେତେ ଗୁହାରୀ କଲେ ମଧ୍ୟ କୌଣସି ସୁଫଳ ମିଳିଲାନି। ଶେଷରେ ଗାଁଲୋକେ ପ୍ରୟୋଗ କଲେ ଦେଶୀ ଆଇଡିଆ। ବାଉଁଶକୁ ବାଉଁଶ ଯୋଡ଼ି ପାହାଡ଼ ଖୋଲରୁ ଗାଁ ମୁଣ୍ଡକୁ ପାଣି ଆଣିବାରେ ସଫଳ ହେଲେ। ଏପରି କରି ସେମାନେ ଅନ୍ୟମାନଙ୍କ ପାଇଁ ଉଦାହରଣ ସାଜିଛନ୍ତି। ଏବେ ଗାଁରେ ପାଣି ସମସ୍ୟା ଦୂର ହୋଇଛି। ଯେଉଁଠି ପ୍ରଶାସନ ହାର ମାନିଥିଲା ସେଇଠି ଆଦିବାସୀ ଲୋକେ କିଛି ନୂଆ କରି ଦେଖାଇଛନ୍ତି। ଏଭଳି ଚିତ୍ର ଦେଖିବାକୁ ମିଳିଛି କନ୍ଧମାଳ ଜିଲ୍ଲା ନିସ୍କି ଗାଁରେ।&lt;a href=&quot;&quot;&gt;(image) &lt;/a&gt;</p><p>ଗାଁ ପାଖ ପାହାଡ଼ରୁ ପ୍ରାୟ ଅଧ କିଲୋମିଟର ଦୂରରୁ ବାଉଁଶ ଜରିଆରେ ପାଣି ଆଣିବା ଏତେଟା ସହଜ ନଥିଲା। କିନ୍ତୁ ଗାଁ ଲୋକେ ଏକାଠି ହୋଇ ତାକୁ କରି ଦେଖାଇଛନ୍ତି। ପାଖ ଜଙ୍ଗଲରୁ ଲମ୍ବା ଲମ୍ବା ବାଉଁଶ ଆଣି ସେଗୁଡ଼ିକୁ ଯୋଡ଼ି ପାହାଡ଼ ଖୋଲରୁ ଗାଁକୁ ପାଣି ଆଣିବାର ସୁବିଧା କରିଛନ୍ତି। ଏଥିପାଇଁ ସେମାନଙ୍କୁ ପ୍ରାୟ ୧୫ ଦିନ ଲାଗି ଯାଇଥିଲା। ଏବେ ଗାଁରେ ପାଣି ସମସ୍ୟା ଅନେକାଂଶରେ ସମାଧାନ ହୋଇଛି।</p><p>ବଣପାହାଡ଼ ଘେରା ଏହି ଆଦିବାସୀ ଗାଁରେ ସରକାରଙ୍କ ବିଭିନ୍ନ ଯୋଜନା ଏବେ ବି ଅପହଞ୍ଚ ହୋଇ ରହିଛି। ଗାଁକୁ ଯିବା ଲାଗି ଭଲ ରାସ୍ତାଟିଏ ନାହିଁ। ଗୋଟିଏ ନଳକୂପ ରହିଥିଲେ ମଧ୍ୟ ତାହା ଦୀର୍ଘ ଦିନ ଧରି ଅଚଳ ହୋଇ ପଡ଼ିଛି।&lt;a href=&quot;http://odishareporter.in/wp-content/uploads/2018/07/baliguda-23.jpg&quot;&gt;(image) &lt;/a&gt;</p><p>ଗ୍ରାମବାସୀ ବାସୁ ମୁଠାମାଝୀ କହିଛନ୍ତି,&ldquo; ପ୍ରାୟ ୫୦ ବର୍ଷ ହେବ ଏହି ଗାଁରେ ଆମେ ରହି ଆସୁଛୁ। ଆମ ଗାଁ ଲୋକେ ପାଣି ପାଇଁ ହଇରାଣ ହେଉଥିଲେ। ଏନେଇ ଆମେ ସରକାରଙ୍କୁ ଜଣାଇଥିଲୁ। ବ୍ଲକ୍&zwnj;ରେ ମଧ୍ୟ ଲିଖିତ ଆକାରରେ ଜଣାଇଥିଲୁ। ତଥାପି ଆମ ଗାଁରେ ପାଣି ସମସ୍ୟା ସମାଧାନ ହୋଇନଥିଲା। ଜଙ୍ଗଲରେ ଭାଲୁ ଥିବାରୁ ଗାଁର ମହିଳାମାନେ ଏକୁଟିଆ ପାଣି ଆଣିବାକୁ ଆସିବାକୁ ଭୟ କରୁଥିଲେ। ଏଥିପାଇଁ ଆମେ ନିଷ୍ପତ୍ତି ନେଲୁ ଯେ ସରକାରୀ ସୁବିଧାକୁ ଅପେକ୍ଷା ନ କରି ସମସ୍ତେ ମିଶି କେମିତି ଗାଁକୁ ପାଣି ପହଞ୍ଚାଇ ପାରିବା ସେନେଇ ଚେଷ୍ଟା କରିବା। ବାଉଁଶ ଦ୍ୱାରା ଝରଣା ପାଣିକୁ ଗାଁ ମୁଣ୍ଡକୁ ଆଣିବାକୁ ଚିନ୍ତା କରାଗଲା ଓ ଏହାକୁ କାର୍ଯ୍ୟକାରୀ କରାଗଲା।&rdquo;&lt;a href=&quot;http://odishareporter.in/wp-content/uploads/2018/07/baliguda-4.jpg&quot;&gt;(image) &lt;/a&gt;</p><p>ଏନେଇ ଦାରିଙ୍ଗବାଡି ବିଡିଓ ତ୍ରିଲୋଚନ ପାତ୍ର କହିଛନ୍ତି,&ldquo; ନିସ୍କି ଗାଁରେ ଥିବା ସମସ୍ୟା ସମ୍ପର୍କରେ କୌଣସି ଅଭିଯୋଗ ମୁଁ ପାଇନାହିଁ। ଏବେ ଜାଣିବାକୁ ପାଇଲି ନିସ୍କି ଗାଁରେ ପାଣିର ସମସ୍ୟା ଥିଲା। ଲୋକମାନେ ନିଜସ୍ୱ ଚେଷ୍ଟାରେ ସେମାନଙ୍କ ସମସ୍ୟାର ସମାଧାନ କରିଛନ୍ତି। ତେବେ ଏହା ଜାଣିବା ପରେ ଜେଇଙ୍କୁ ନିର୍ଦ୍ଦେଶ ଦିଆଯାଇଛି। ସେ ଗାଁକୁ ଯାଇ ଅନୁଧ୍ୟାନ କରି ରିପୋର୍ଟ ଦେଲା ପରେ ଏନେଇ ନିଷ୍ପତ୍ତି ନିଆଯିବ।&rdquo;</p><p>https://www.youtube.com/watch?v=avwrJkL2rlY</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।