ଅନ୍ୟ ଜାତିରେ ବାହା ହୋଇଥିଲେ ବୋଲି ସାହିଭାଇ କାନ୍ଧ ଦେଲେନି!

ପାଟଣାଗଡ଼(କରୁଣାକର ବୁଡେକ୍‌): ଯୌବନରେ ଅନ୍ୟ ଜାତିରେ ପ୍ରେମ କରି ବାହା ହୋଇଥିବାରୁ ସାରା ଜୀବନ ପାଇଲେ ଯନ୍ତ୍ରଣା। ଗାଁ ଲୋକେ ଏକଘରିଆ କରିଦେଲେ। ନିଆଁ ପାଣି ବାସନ୍ଦ କରିଥିଲେ। ମୃତ୍ୟୁ ପରେ ମଧ୍ୟ ତାଙ୍କ ମୃତଦେହ ଉଠାଇବାକୁ ଆସିଲେ ନାହିଁ। ଘର ଭିତରେ ତାଙ୍କ ମୃତଦେହ ୬ ଘଣ୍ଟାରୁ ଅଧିକ ସମୟ ଧରି ପଡ଼ି ରହିଲା। ଶେଷରେ ସେବା ଚାରିଟେବୁଲ୍‌ ଟ୍ରଷ୍ଟର କର୍ମକର୍ତ୍ତାମାନେ ଆଜି ମୃତଦେହ ସଂସ୍କାର କରିଛି। ଏପରି ଘଟଣା ବଲାଙ୍ଗିର ଜିଲ୍ଲା ପାଟଣାଗଡ଼ ଥାନା […]

Patnagarh

Patnagarh

Manoranjan Sial
  • Published: Saturday, 25 September 2021
  • Updated: 25 September 2021, 08:03 PM IST

Sports

Latest News

ପାଟଣାଗଡ଼(କରୁଣାକର ବୁଡେକ୍‌): ଯୌବନରେ ଅନ୍ୟ ଜାତିରେ ପ୍ରେମ କରି ବାହା ହୋଇଥିବାରୁ ସାରା ଜୀବନ ପାଇଲେ ଯନ୍ତ୍ରଣା। ଗାଁ ଲୋକେ ଏକଘରିଆ କରିଦେଲେ। ନିଆଁ ପାଣି ବାସନ୍ଦ କରିଥିଲେ। ମୃତ୍ୟୁ ପରେ ମଧ୍ୟ ତାଙ୍କ ମୃତଦେହ ଉଠାଇବାକୁ ଆସିଲେ ନାହିଁ। ଘର ଭିତରେ ତାଙ୍କ ମୃତଦେହ ୬ ଘଣ୍ଟାରୁ ଅଧିକ ସମୟ ଧରି ପଡ଼ି ରହିଲା। ଶେଷରେ ସେବା ଚାରିଟେବୁଲ୍‌ ଟ୍ରଷ୍ଟର କର୍ମକର୍ତ୍ତାମାନେ ଆଜି ମୃତଦେହ ସଂସ୍କାର କରିଛି। ଏପରି ଘଟଣା ବଲାଙ୍ଗିର ଜିଲ୍ଲା ପାଟଣାଗଡ଼ ଥାନା ଅଞ୍ଚଳରେ ଘଟିଛି।

ପୂରା ଘଟଣାଟି ଏମିତି। ବେଲପଡା ବ୍ଲକ୍‌ ଯୁବା ଗାଁର ପାର୍ବତୀ ଧାରୁଆ। ଯୌବନରେ ଅନ୍ୟ ଜାତିରେ ପ୍ରେମ ବିବାହ କରିଥିଲେ। ବିବାହ ପରେ ସ୍ୱାମୀଙ୍କୁ ଧରି ଗାଁକୁ ଫେରିଥିଲେ। ଭିନ୍ନ ଜାତିରେ ବାହା ହୋଇଥିବାରୁ ଗାଁ ଲୋକେ ତାଙ୍କୁ ଏକଘରିଆ କରିଦେଇଥିଲେ। ନିଆଁ ପାଣି ପାସନ୍ଦ କରିଥିଲେ। ଏତେ ସବୁ ଯନ୍ତ୍ରଣା ଭିତରେ ସ୍ୱାମୀ ସହ ସଂସାର କରି ସେହି ଗାଁରେ ରହୁଥିଲେ ପାର୍ବତୀ।

ଯେଉଁ ସ୍ୱାମୀଙ୍କ ଗାଁ ଲୋକଙ୍କ ରୋଷରେ ଶିକାର ହୋଇଥିଲେ ପାର୍ବତୀ, ଶେଷରେ ସିଏ ତାଙ୍କୁ ଧୋକା ଦେଲେ। ସିଏ ମଧ୍ୟ ତାଙ୍କୁ ଛାଡ଼ି ପଳାଇଗଲେ। ସ୍ୱାମୀ ଗଲା ପରେ ଏକମାତ୍ର ପୁଅକୁ ଧରି ନିଜର ଘର ସଂସାର ଚଳାଉଥିଲେ ପାବତୀ। ନିଜ ନୂଆଁଣିଆ ଘରେ ରହୁଥିଲେ। ସବୁ ଦୁଃଖ ଓ ଯନ୍ତ୍ରଣାକୁ ସହି ପୁଅକୁ ମଣିଷ କରିବାରେ ଲାଗି ପଡ଼ିଲେ।

ଆଜି ଦେହି ଦୁଃଖିନୀ ମଣିଷଟି ସବୁଦିନ ପାଇଁ ଆଖି ବୁଜିଦେଲେ। ବାର୍ଦ୍ଧକ୍ୟ ଯନ୍ତ୍ରଣା ଭିତରେ ସେ ଆଖି ବୁଜିଦେଲେ। ମାଆଙ୍କ ମୃତଦେହ ସଂସ୍କାର କରିବା ପାଇଁ ସାହିଭାଇଙ୍କୁ ଡାକିଥିଲେ ପୁଅ। ହେଲେ ବାସନ୍ଦ ଯୋଗୁ କେହି ଶବ ସତ୍କାର କରିବାକୁ ଆସିଲେ ନାହିଁ। ନିଜ ମାଆ ପାଇଁ ଚାରି କାନ୍ଧ ଯୋଗାଡ଼ କରିପାରିଲେ ନାହିଁ। ଯାହାକୁ ନେଇ ଚିନ୍ତାରେ ପଡ଼ିଯାଇଥିଲେ ମୃତ ପାର୍ବତୀଙ୍କ ପୁଅ।

ପାର୍ବତୀଙ୍କ ମୃତଦେହ ଘର ଭିତରେ ଦୀର୍ଘ ୬ ଘଣ୍ଟାରୁ ଅଧିକ ସମୟ ଧରି ପଡ଼ିଲା। କିନ୍ତୁ ସତ୍କାର ହୋଇପାରିଲା ନାହିଁ। ଖବର ପାଇ ସେବା ଟ୍ରଷ୍ଟର ସଦସ୍ୟ ବନମାଳୀ ନାଏକ, ଅଚ୍ୟୁତ ସିପୁନ ଖାମରୀ ଓ ଗିରିଧାରୀ ଭୋଇ ଗାଁରେ ପହଞ୍ଚିଲେ। ଏମାନେ ପାର୍ବତୀଙ୍କୁ କାନ୍ଧ ଦେଇ ଶ୍ମଶାନକୁ ନେଇଥିଲେ। ସେଠାରେ ତାଙ୍କ ପୁଅ ମୁଖାଗ୍ନି ଦେଇଥିଲେ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos