ଇସ୍ତଫା ଦେଲେ ଭିମ୍‌ସାର ନିର୍ଦ୍ଦେଶକ, ରାଜ୍ୟ ସରକାରଙ୍କୁ ଦାୟୀ କଲେ

<p>ସମ୍ବଲପୁର(ସଞ୍ଜୟ ଜେନା): ବିଭିନ୍ନ ସମୟରେ ବିବାଦ ଘେରକୁ ଆସିଥିବା ଭିମ୍&zwnj;ସାର ନିର୍ଦ୍ଦେଶକ ପଦରୁ ଡାକ୍ତର ଅଶ୍ୱିନୀ&nbsp;&lt;span style=&quot;text-transform: initial;&quot;&gt;ପୂଜାହାରୀ ଇସ୍ତଫା ଦେଇଛନ୍ତି। ଗତକାଲି ରାଜ୍ୟପାଳଙ୍କ ପାଖକୁ ସେ ତାଙ୍କ ଇସ୍ତଫା ପତ୍ର ପଠାଇ ଦେଇଛନ୍ତି। ଇସ୍ତଫା ଦେଇଥିବା ନେଇ ଡାକ୍ତର ପୂଜାହାରୀ ଆଜି ସାମ୍ବାଦିକ ସମ୍ମିଳନୀରେ ସ୍ପଷ୍ଟ କରିଛନ୍ତି।&lt;/span&gt;</p> <p>ସେ କହିଛନ୍ତି,&ldquo; ଇସ୍ତଫା ଦେବା ବ୍ୟତୀତ ମୋ ପାଖରେ କୌଣସି ବିକଳ୍ପ ନଥିଲା। ମୁଁ ଜଣେ କର୍ମଠ ଲୋକ। ଦିନକୁ ୧୨ରୁ ୧୪ ଘଣ୍ଟା ପରିଶ୍ରମ କରେ। ଏତେ ଦିନ ଧରି କେବେ ଛୁଟିରେ ଯାଇ ନ ଥିଲି।&rdquo;</p> <p>ସେ ଆହୁରି କହିଛନ୍ତି,&ldquo;ଏ ସମ୍ପର୍କରେ ରାଜ୍ୟ ସରକାରଙ୍କୁ ବାରମ୍ବାର ଚିଠି ଲେଖିଛି। କିନ୍ତୁ କୌଣସି ଉତ୍ତର ନ ମିଳିବାରୁ ଇସ୍ତଫା ଦେଲି।&rdquo;</p> <p>ଡାକ୍ତର ପୂଜାହାରୀ କହିଛନ୍ତି,&ldquo; ମୁଁ ଆସିବା ପୂର୍ବରୁ ଏଠାରେ ଡାକ୍ତର ଠିକ୍ ସମୟରେ ଆସୁ ନ ଥିଲେ। ମୁଁ ଆସିବା ପରେ ଠିକ୍ ସମୟରେ ଆସିଲେ। ଠିକ୍ ସମୟରେ ଛାତ୍ରଛାତ୍ରୀଙ୍କ କ୍ଲାସ ହେଉ ନଥିଲା। ମୁଁ ଆଜି ଆସିଲା ପରେ କ୍ଲାସ୍&zwnj; ହେଲା। ଏଠାରେ ରୋଗୀଙ୍କ ଠାରୁ ଲାଞ୍ଚ ନିଆଯାଉଥିଲା। ମୁଁ ଆସିବା ପରେ ଏହାକୁ ବନ୍ଦ କଲି।&rdquo;</p> <p>ଲୁଣ ଚିକିତ୍ସା ନେଇ ଡାକ୍ତର ପୂଜାହାରୀ ବିବାଦରେ ଥିଲେ। ଏଥିସହିତ ପିଜି ଛାତ୍ରଙ୍କ ସହ ତାଙ୍କର ବିବାଦ ଲାଗି ରହିଥିଲା। ଏହାପରେ ପୂଜାହାରୀଙ୍କୁ ବିରୋଧ କରି ଆନ୍ଦୋଳନକୁ ଓହ୍ଲାଇଥିଲେ ଜୁନିଅର ଡାକ୍ତର। ଶେଷରେ ଡାକ୍ତର ପୂଜାହାରୀଙ୍କୁ ଗତ ଡିସେମ୍ବର ୭ ତାରିଖ ଦିନ ରାଜ୍ୟ ସରକାର ଛୁଟିରେ ଯିବାକୁ ନିର୍ଦ୍ଦେଶ ଦେଇଥିଲେ।</p> <p>ପିଜି ଛାତ୍ରମାନେ କରିଥିବା ଅଭିଯୋଗ ଉପରେ ହୋଇଥିବା ତଦନ୍ତର ରିପୋର୍ଟ ଆସିବା ପରେ ତାଙ୍କ ସମ୍ପର୍କରେ ପରବର୍ତ୍ତୀ ନିଷ୍ପତ୍ତି ନିଆଯିବ ବୋଲି ସରକାରଙ୍କ ପକ୍ଷରୁ କୁହାଯାଇଥିଲା। କିନ୍ତୁ ଏଥିରେ ବିଳମ୍ବ ହେବାରୁ ଡାକ୍ତର ପୂଜାହାରୀ ତୁରନ୍ତ କୌଣସି ନିଷ୍ପତ୍ତି ନେବାକୁ ସରକାରଙ୍କୁ ଚିଠି ଲେଖି ୧୫ ଦିନର ମହଲତ ଦେଇଥିଲେ। ସେହି ମହଲତ ଶେଷ ହୋଇଯାଇଥିଲା। ଫଳରେ ନିଜ ପଦରୁ ଇସ୍ତଫା ଦେଇଛନ୍ତି ଡାକ୍ତର ପୂଜାହାରୀ।</p>