ଭୁବନେଶ୍ୱର ଉପକଣ୍ଠ ନୂଆଗାଁରେ ଉତ୍ତେଜନା: ଆକ୍ରମଣ କରିବାକୁ ଆସିଥିବା ଯୁବକଙ୍କୁ ଛେଚିଲେ ଗାଁ ଲୋକେ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜଧାନୀ ଭୁବନେଶ୍ୱର ଉପକଣ୍ଠ ନୂଆଗାଁରେ ଗଣ୍ଡଗୋଳ ହୋଇଛି। ଶିଶୁପାଳଗଡ଼ର କିଛି ଯୁବକଙ୍କୁ ଅଟକ ରଖି ମାଡ଼ ମାରିଲେ ଗାଁ ଲୋକେ। କିଛି ଦିନ ତଳେ ଶିଶୁପାଳଗଡ଼ର କିଛି ଅସାମାଜିକ ଯୁବକ ନୂଆଗାଁରେ ଛାତ୍ରୀମାନଙ୍କୁ ଦୁର୍ବ୍ୟବହାର କରିଥିବା ଅଭିଯୋଗ ହୋଇଥିଲା।&nbsp; ଯାହାକୁ କେନ୍ଦ୍ର କରି ଦୁଇ ଗାଁ ମଧ୍ୟରେ ଗଣ୍ଡଗୋଳ ହୋଇଥିଲା।</p> <p>ଗତକାଲି ପୁଣି&nbsp; ଶିଶୁପାଳଗଡ଼ର ୫ ଜଣ ଯୁବକ ଏକ ସ୍କର୍ପିଓ କାର୍&zwnj;ରେ ଆସି ନୂଆଗାଁରେ ପଶି ଆକ୍ରମଣ କରିବାକୁ ଉଦ୍ୟମ କରିଥିଲେ। ହେଲେ ସେମାନଙ୍କୁ କାବୁ କରିନେଇଥିଲେ ଗ୍ରାମବାସୀ। ତେବେ ୨ ଜଣ ଧରାପଡ଼ିଥିବାବେଳେ ଅନ୍ୟମାନେ ଖସିଯିବାରେ ସଫଳ ହୋଇଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିଥିଲା। ତେବେ ପୋଲିସ ଭ୍ୟାନରେ ସେମାନଙ୍କୁ ଥାନାକୁ ନେବା ସମୟରେ ଯୁବକଙ୍କୁ ଉତ୍ତ୍ୟକ୍ତ ଗ୍ରାମବାସୀ ପୁଣି ଆକ୍ରମଣ କରିଥିଲେ।।</p>