ଭୁବନେଶ୍ୱର(ଓଡ଼ିଶା ରିପୋର୍ଟର):ରାଜ୍ୟରେ ଚତୁର୍ଥ ପର୍ଯ୍ୟାୟ ନିର୍ବାଚନ ଲାଗି ଜୋର ଧରିଛି ପ୍ରଚାର। ଆସନ୍ତା ୨୯ ତାରିଖରେ ହେବ ଭୋଟଗ୍ରହଣ ହେବ। ରାଜ୍ୟର ୬ ଲୋକସଭା ଆସନ ସହ ଏହି କ୍ଷେତ୍ରରେ ଆସୁଥିବା ୪୧ ବିଧାନସଭା ଆସନରେ ହେବ ଭୋଟଗ୍ରହଣ। କେନ୍ଦ୍ରାପଡ଼ା, ଜଗତସିଂହପୁର, ଯାଜପୁର, ଭଦ୍ରକ,ବାଲେଶ୍ୱର ଓ ମୟୂରଭଂଜ ଲୋକସଭା ଆସନରେ ଭୋଟଗ୍ରହଣ ହେବ।
ନିର୍ବାଚନ ପ୍ରଚାର ଲାଗି ଆଜି ଓଡ଼ିଶା ଆସୁଛନ୍ତି କେନ୍ଦ୍ରମନ୍ତ୍ରୀ ନୀତିନ ଗଡ଼କରୀ । ଅପରାହ୍ନରେ ଭଦ୍ରକ ବରାହପୁର କଲେଜ ପଡ଼ିଆରେ ବିଜୟ ସଙ୍କଳ୍ପ ସମାବେଶରେ ଯୋଗ ଦେବେ। ଏହାପରେ ଅପରାହ୍ନ ୨ଟା ୩୦ରେ ଭଦ୍ରକ ବନ୍ତ ବ୍ଲକ ହାଟ ପଡ଼ିଆରେ ଏକ ବିରାଟ ଜନସଭାକୁ ସମ୍ବୋଧିତ କରିବା କାର୍ଯ୍ୟକ୍ରମ ରହିଛି । ଚତୁର୍ଥ ପର୍ଯ୍ୟାୟ ନିର୍ବାଚନ ଲାଗି ୨୭ ତାରିଖରେ ସରିବ ନିର୍ବାଚନ ପ୍ରଚାର।
ହାତରେ ପ୍ରଚାରକୁ ଆଉ ମାତ୍ର ୪ ଦିନ ଥିବାବେଳେ ତିନି ପ୍ରମୁଖ ଦଳ ପକ୍ଷରୁ ପ୍ରଚାର ଚାଲିଛି । ଚତୁର୍ଥ ପର୍ଯ୍ୟାୟ ନିର୍ବାଚନ ସହ ରାଜ୍ୟରେ ସରିବ ନିର୍ବାଚନୀ ଅଭିଯାନ। ଆସନ୍ତା ମେ ୨୩ ତାରିଖରେ ଭୋଟ ଗଣତି ହେବ।