ଇଭିଏମ୍‌ ତ୍ରୁଟି ପାଇଁ ବନ୍ଦ ରହିଲା ମତଦାନ

ସୁନ୍ଦରଗଡ଼ (ସତ୍ୟାନନ୍ଦ ମହାନ୍ତି): ଇଭିଏମ୍‌ରେ ତ୍ରୁଟି ଯୋଗୁ ସୁନ୍ଦରଗଡ଼ର ଏକ ବୁଥ୍‌ରେ ଭୋଟ ଗ୍ରହଣ ବନ୍ଦ ରହିଛି। ଇଭିଏମ୍‌ ମରାମତି ପରେ ପୁନର୍ବାର ମତଦାନ କରାଯାଇଥିଲା। ଏହା ପରେ ଜଣେ ପ୍ରାର୍ଥୀଙ୍କୁ ଭୋଟ ଦେଲେ ତାହା ଅନ୍ୟ ପ୍ରାର୍ଥୀଙ୍କ ପାଖକୁ ଯାଉଥିବା ଦେଖି ଭୋଟରଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇବାରୁ ରିଟର୍ଣ୍ଣିଂ ଅଫିସର ବୁଥ୍‌ରେ ପହଞ୍ଚି ମତଦାନ ବନ୍ଦ କରିଥିଲେ। ଏଠାରେ ପୁନଃ ମତଦାନ ପାଇଁ କରିବାକୁ ECIଙ୍କୁ ଚିଠି ଲେଖିଛନ୍ତି ରିଟର୍ଣ୍ଣିଂ ଅଫିସର।

ଆଜି ସକାଳେ ରାଉରକେଲାର ରଙ୍ଗାଢିପା ୨୧୩ ନଂ ବୁଥ୍‌ରେ ଇଭିଏମ୍‌ରେ ତ୍ରୁଟି ଦେଖାଦେଇଥିଲା। ପରେ ପ୍ରାୟ ୩ ଘଣ୍ଟା ବିଳମ୍ବରେ ଭୋଟଗ୍ରହଣ ଆରମ୍ଭ ହୋଇଥିଲା। ଭୋଟ ଗ୍ରହଣର କିଛି ସମୟ ପରେ ପୁଣି ତ୍ରୁଟି ଦେଖା ଦେଇଥିଲା। ଗୋଟିଏ ଚିହ୍ନରେ ଭୋଟ ଦେଲେ ଅନ୍ୟ ଚିହ୍ନକୁ ଯାଉଥିବା ଅଭିଯୋଗ କରିଥିଲେ ଭୋଟର। ଏହାକୁ ନେଇ ଭୋଟରଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା।

ଘଟଣାସ୍ଥଳରେ ରିଟର୍ଣ୍ଣିଂ ଅଫିସର ପହଞ୍ଚି ଭୋଟ ବନ୍ଦ କରିଥିଲେ। ଏନେଇ ଏଠାରେ ପୁନଃ ମତଦାନ ପାଇଁ ସେ ECIଙ୍କୁ ଚିଠି ଲେଖିଥିବା ଜଣାପଡ଼ିଛି।

ଦ୍ୱିତୀୟ ପର୍ଯ୍ୟାୟ ଭୋଟ ଗ୍ରହଣ ବେଳେ ୪ଟି ବୁଥ୍‌ରେ ପରିଚାଳନାଗତ ତ୍ରୁଟି ଦେଖାଦେଇଛି। ତେଣୁ ୪ଟି ଯାକ ବୁଥ୍‌ରେ ସାନି ନିର୍ବାଚନ ପାଇଁ ସୁପାରିଶ କରାଯିବ। ସୁନ୍ଦରଗଡ଼ ବିଧାନସଭାର ୨୧୩ ନମ୍ବର ବୁଥ୍‌, ବଣାଇ ବିଧାନସଭାର ୧୨୯ ନମ୍ବର ବୁଥ୍, ଦଶପଲ୍ଲା ବିଧାନସଭାର ୨୧୦ ଓ ୨୨୨ ନମ୍ବର ବୁଥ୍‌ରେ ସାନି ମତଦାନ ପାଇଁ ସୁପାରିଶ କରାଯିବ ବୋଲି ନିର୍ବାଚନ ଅଧିକାରୀ ସୂଚନା ଦେଇଛନ୍ତି।

ରାଜ୍ୟର ଦ୍ୱିତୀୟ ପର୍ଯ୍ୟାୟ ପାଇଁ ନିର୍ବାଚନ ଚାଲିଛି। ଆଜି ଅପରାହ୍ନ ୧ଟା ସୁଦ୍ଧା ରାଜ୍ୟରେ ୩୩% ମତଦାନ ହୋଇଛି। ଏନେଇ ମୁଖ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର ସୂଚନା ଦେଇଛନ୍ତି।

କନ୍ଧମାଳରେ ୨୪ ପ୍ରତିଶତ, ବରଗଡ଼ରେ ୩୪ପ୍ରତିଶତ, ଆସିକାରେ ୩୫ ପ୍ରତିଶତ, ସୁନ୍ଦରଗଡ଼ରେ ୩୦ ପ୍ରତିଶତ ଓ ବଲାଙ୍ଗିରରେ ୨୮ ପ୍ରତିଶତ ଭୋଟିଂ ହୋଇଛି।

ଆହୁରି ପଢ଼ନ୍ତୁ

କ୍ୟାମେରା ସାମ୍ନାରେ କହିଲେନି, ଟ୍ୱିଟ୍‌ କରି କହିଲେ-ମାମଲା ପ୍ରାୟୋଜିତ

ବର୍ଷେ ଯାଏ ବଢ଼ିଲା କରୋନା କଟକଣା

କଟକରେ କାୟା ମେଲାଉଛି କରୋନା, ଆଉ ୭୬ ଚିହ୍ନଟ

ରାଜ୍ୟରେ ଆଉ ୪୬୯ କରୋନା ଆକ୍ରାନ୍ତ ଚିହ୍ନଟ, ୯ ହଜାର ପାର ହେଲା ସଂଖ୍ୟା

ବରକୁ ଉଠାଇ ନେଲା ପୁଲିସ, ମେ’ଫେୟାର ହୋଟେଲ ସିଲ୍

ମୋ ଧନକୁ ଡାକ୍ତର ଟ୍ରିଟ୍‌ମେଣ୍ଟ କଲେନି: ବାପା, ଭାଇ ତମେ ବି ଆସିଲନି…

ସାବଧାନ: ସ୍ଥିତି ଭୟଙ୍କର, ଜୀବନ ନେଉଛି ଜୁଲାଇ

ରାଜ୍ୟରେ ଆଉ ୪୯୫ କରୋନା ଆକ୍ରାନ୍ତ ଚିହ୍ନଟ, ଗଞ୍ଜାମରେ ସବୁଠୁ ଅଧିକ

ଆଜି ମହାପ୍ରଭୁଙ୍କ ନୀଳାଦ୍ରି ବିଜେ

କୋଭିଡ୍ ନିୟମର ଖୋଲା ଉଲ୍ଲଘଂନ: କଂଗ୍ରେସ ଓ ବିଜେପିକୁ ଜୋରିମାନା, ବିଜେଡି ବେଳକୁ ଚୁପ୍‌

ଲଦାଖରୁ ଚାଇନାକୁ ମୋଦିଙ୍କ ଚେତାବନୀ: ବିସ୍ତାରବାଦର ଯୁଗ ଖତମ

ରାଜ୍ୟରେ ଗୋଟିଏ ଦିନରେ ୫୬୧ କରୋନା ଆକ୍ରାନ୍ତ ଚିହ୍ନଟ, ୮ ହଜାର ଟପିଲା ସଂଖ୍ୟା