ଚାନ୍ଦବାଲି(ଓଡ଼ିଶା ରିପୋର୍ଟର): ଗର୍ଭ ଗୃହରେ ପଶିଗଲା ବନ୍ୟା ପାଣି। ଆଉ ବୁଡ଼ିଗଲେ ବିଗ୍ରହ। ଗତ ତିନିଦିନ ଧରି ଲଘୁଚାପ ପ୍ରଭାବରେ ଅବିଶାନ୍ତ ବର୍ଷା ଯୋଗୁ ଭଦ୍ରକ ଆଖଣ୍ଡମଣୀ ମନ୍ଦିର ପଶ୍ଚିମ ଦ୍ୱାର ଓ ପାଦୁକ କୁଣ୍ଡ ଦେଇ ଆଖଣ୍ଡଳମଣିଙ୍କ ଗର୍ଭଗୃହକୁ ବର୍ଷାପାଣି ପ୍ରବେଶ କରିଛି। ଫଳରେ ମଣିବାବାଙ୍କ ବିଗ୍ରହ ସମ୍ପୁର୍ଣ୍ଣ ବୁଡିଯାଇଥିଲା।
ଏଥି ଯୋଗୁ ଆଜି ସକାଳେ ମଙ୍ଗଳ ଆଳତୀ ନୀତି ସମେତ ଅନ୍ୟାନ୍ୟ ନୀତିରେ ବିଳମ୍ବ ହୋଇଥିଲା। ପରେ ଏକ ଛୋଟ ପମ୍ପ ପକାଇ ପାଣି ବାହାର କରାଯାଇଥିଲା। ବିଶେଷକରେ ମଣିବାବାଙ୍କ ମନ୍ଦିର ତଳମାଳରେ ହୋଇଥିବାରୁ ବର୍ଷାଦିନରେ ମନ୍ଦିର ଗର୍ଭଗୃହରେ ପାଣି ସ୍ରୋତ ପଡିଥାଏ।
ପ୍ରତି ବର୍ଷ ବର୍ଷାଦିନେ ଏମିତି ପରିସ୍ଥିତି ଦେଖା ଦେଇଥାଏ। ୩ ବର୍ଷ ତଳେ ରାଜ୍ୟ ପ୍ରତ୍ନତ୍ୱ ବିଭାଗ ପକ୍ଷରୁ ମରାମତି ହୋଇଥିଲେ ମଧ୍ୟ ଏବେ ପୁନର୍ବାର ସମାନ ସମସ୍ୟା ଦେଖା ଦେଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
