ଷ୍ଟାଣ୍ଡପୋଷ୍ଟ ଅଛି, ପାଣି ଆସୁନି

<p>ଭଦ୍ରକ(ତପନ ବିଷୋୟୀ): ଲୋକଙ୍କୁ ସୁବିଧାରେ ପାଣି ଯୋଗାଇ ଦେବା ପାଇଁ ପାନୀୟ ଜଳ ପ୍ରକଳ୍ପ ତ ନିର୍ମାଣ ହେଉଛି ହେଲେ ରକ୍ଷଣାବେକ୍ଷଣ ଅଭାବରୁ ତାହା ଲୋକଙ୍କ କାମରେ ଆସୁନାହିଁ। ଏଭଳି ଅଭିଯୋଗ ଆସିଛି ଭଦ୍ରକ ଜିଲ୍ଲା ଭଣ୍ଡାରୀପୋଖରୀ ବ୍ଲକ ଅନ୍ତର୍ଗତ ବିଷ୍ଣୁପୁରରୁ। ଲୋକଙ୍କ&nbsp; ସୁବିଧା ପାଇଁ୨୦୦୯ ମସିହାରେ ବିଷ୍ଣୁପୁରଠାରେ ନିର୍ମାଣ ହୋଇଥିଲା ପାନୀୟ ଜଳ ପ୍ରକଳ୍ପ। ପ୍ରକଳ୍ପ ନିର୍ମାଣ ହେବା ପରେ ଲୋକଙ୍କ ଆଶା ଥିଲା ଏଥର ପାଣି ଟୋପେ ସହଜରେ ପାଇବେ। ହେଲେ ଲୋକଙ୍କ ଆଶା ଆଶାରେ ହିଁ ରହିଗଲା। ଏବେ ବି ପାଣି ଟିକକ ପାଇଁ ସଂଘର୍ଷ କରୁଛନ୍ତି ସ୍ଥାନୀୟ ବାସିନ୍ଦା।</p> <p>ଷ୍ଟାଣ୍ଡପୋଷ୍ଟ ହୋଇଛି, ପାଇପ ବି ବିଛା ହୋଇଛି ହେଲେ ପାଣି ଆସୁନି। ତେଣୁ ପାଣି ଟୋପାଏ ପାଇଁ ଏବେ ଡ଼ହଳ ବିକଳ ହେଉଛନ୍ତି ବିଷ୍ଣୁପୁର ପଞ୍ଚାୟତବାସିନ୍ଦା। ଏନେଇ ବାରମ୍ବାର ଅଭିଯୋଗ କରିଥିଲେ ମଧ୍ୟ କିଛି ଲାଭ ମିଳି ନ ଥିବା ଲୋକେ ଅଭିଯୋଗ କରିଛନ୍ତି। &nbsp;&lt;a href=&quot;&quot;&gt;(image) &lt;/a&gt;</p> <p>ତେବେ ବିଷ୍ଣୁପୁର ପଞ୍ଚାୟତରେ କଂକ୍ରିଟ କାମ ଯୋଗୁଁ କିଛି ସ୍ଥାନରେ ପାଇପ୍ ଫାଟି ଯାଇଛି। ତେଣୁ ପାଣି ପାଇବାରେ ଲୋକଙ୍କୁ ଅସୁବିଧା ହେଉଥିବା ଆରଡବ୍ଲୁଏସଏସ୍&zwnj;ର କନିଷ୍ଠ ଯନ୍ତ୍ରୀ କହିଛନ୍ତି। ଆଉ ୪-୫ ଦିନ ମଧ୍ୟରେ ମରାମତି କରାଯାଇ ଲୋକେ ପାଣି ପାଇବେ ବୋଲି ସେ କହିଛନ୍ତି। ଅନ୍ୟପଟେ ପ୍ରକଳ୍ପ ନିର୍ଦ୍ଦେଶକ ମଧୂସୁଦନ ଦାସ କହିଛନ୍ତି,&ldquo; ଯୁଦ୍ଧକାଳିନ ଭିତ୍ତିରେ ଅଚଳ ପ୍ରକଳ୍ପକୁ ମରାମତି କରାଯାଇ ଲୋକଙ୍କୁ ପାଣି ଯୋଗାଇ ଦିଆଯିବ।&rdquo;</p> <p>https://www.youtube.com/watch?v=7jLyMAAvgxc</p>