ପାଣି ଟାଙ୍କି ଉଦ୍‌ଘାଟନ କଲେ ବୈଜୟନ୍ତ: କହିଲେ-ଲୋକେ ଉପକୃତ ହେବେ

<p>କେନ୍ଦ୍ରାପଡ଼ା(ଓଡ଼ିଶା ରିପୋର୍ଟର): କେନ୍ଦ୍ରାପଡ଼ା ଜିଲ୍ଲା ମାର୍ଶାଘାଇ ବ୍ଲକ ପୁରୁଷୋତ୍ତମପୁରଠାରେ ନୂଆ ପାନୀୟ ଜଳ ପ୍ରକଳ୍ପକୁ ଉଦ୍&zwnj;ଘାଟନ କରିଛନ୍ତି କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡା। ଆଜିର ଏହି ଉଦଘାଟନ କାର୍ଯ୍ୟକ୍ରମ ପୂର୍ବରୁ ସ୍ଥାନୀୟ କିଛି ବିଜେଡି ନେତା ଓ କର୍ମୀ ଏହାର ବିରୋଧ କରିଥିଲେ। ଏହାସହ ପ୍ରକଳ୍ପର ମୁଖ୍ୟ ଫାଟକଲେ ତାଲା ପକାଇ ଦେଇଥିଲେ। ହେଲେ ସ୍ଥାନୀୟ ଲୋକେ ବିଜେଡି କର୍ମୀଙ୍କ ଏଭଳି କାମକୁ ବିରୋଧ କରିଛନ୍ତି। ଏହାକୁ ନେଇ ପୁରୁଷୋତ୍ତମପୁର ଗାଁରେ ସାମାନ୍ୟ ଉତ୍ତେଜନା ପ୍ରକାଶ ପାଇଥିଲା।</p> <p>ଏହି ପ୍ରକଳ୍ପ ଦ୍ୱାରା ସ୍ଥାନୀୟ ଅଞ୍ଚଳର ପ୍ରାୟ ୩ ହଜାରରୁ ଅଧିକ ଲୋକ ଉପକୃତ ହେବେ। ସାଂସଦ ବୈଜୟନ୍ତ ପଣ୍ଡାଙ୍କ ଗସ୍ତକୁ ନେଇ ପୁରୁଷୋତ୍ତମପୁରରେ ବ୍ୟାପକ ପୋଲିସ ମୁତୟନ କରାଯାଇଛି।</p> <p>ପାଣି ଟାଙ୍କି ଉଦ୍&zwnj;ଘାଟନ ପରେ ସାଂସଦ ବୈଜୟନ୍ତ ପଣ୍ଡା କହିଛନ୍ତି,&ldquo; ପାଣି ଟାଙ୍କି ଦ୍ୱାରା ଲୋକଙ୍କ ପାନୀୟ ଜଳ ସମସ୍ୟା ଦୂର ହେବ। ପାଣି ଟାଙ୍କି ସାଂସଦ ପାଣ୍ଠିରେ ନିର୍ମାଣ ହୋଇଥିବାରୁ ଉଦ୍&zwnj;ଘାଟନ ବେଳେ ସାଂସଦଙ୍କ ଉପସ୍ଥିତିରେ ହେବା ଉଚିତ।&rdquo;</p> <p>ସେହିପରି ପାଣି ଟାଙ୍କି ଉଦ୍&zwnj;ଘାଟନ କାର୍ଯ୍ୟକ୍ରମକୁ ବିରୋଧ ନେଇ ବୈଜୟନ୍ତ ପଣ୍ଡା କହିଛନ୍ତି,&ldquo; ଶାନ୍ତିପୂର୍ଣ୍ଣ ବିରୋଧ କୁହାଯାଉଛି, ମାତ୍ର ଶାନ୍ତିପୂର୍ଣ୍ଣ ଭାବେ ହୋଇନି। ଏଠାରେ ମୋର ଜଣେ କର୍ମୀଙ୍କୁ ସେମାନେ ମାରପିଟ କରିଛନ୍ତି। କର୍ମୀଙ୍କୁ ମାରିବ, ପିଇବା ପାଣି ବନ୍ଦ କରିବ ଠିକ୍&zwnj; ନୁହେଁ। ଆମ ବିଜୁ ଜନତା ଦଳ ଆଗରୁ ଏମିତି ନଥିଲା। ୩/୪ ବର୍ଷ ହେଲା ଜଣେ ଅଫିସରଙ୍କ ପ୍ରଭାବରେ ଦଳ ଏମିତି ହୋଇଛି। ଉକ୍ତ ଅଫିସରଙ୍କ ପ୍ରଭାବରେ ଦଳଟା ଏଭଳି ହୋଇଛି, ଗୁଣ୍ଡାଗର୍ଦ୍ଦି ଚାଲିଛି।&rdquo;</p>